8 жніўня, Мінск /Кар. БЕЛТА/. Сярэдняя зарплата ў 2019 годзе прагназуецца на ўзроўні Br1025. Аб гэтым паведаміў сёння намеснік міністра эканомікі Аляксандр Чарвякоў на пашыраным пасяджэнні Пастаяннай камісіі Савета Рэспублікі па эканоміцы, бюджэце і фінансах, перадае карэспандэнт БЕЛТА.
"У 2019 годзе зарплата ў сярэднім за год прагназуецца на ўзроўні Br1025", - сказаў намеснік міністра.
Прагназуецца, што рэальныя наяўныя грашовыя даходы вырастуць на 3,4 працэнта, разлік зроблены з ацэнкі бягучага года з улікам росту заработнай платы ў 2019 годзе выключна разам з ростам прадукцыйнасці працы.
У бягучым годзе за першае паўгоддзе зарплата па эканоміцы ў сярэднім склала Br910, ацэначна, па году яна будзе Br938, у тым ліку ў снежні - Br1070. У бюджэтнай сферы ў першым паўгоддзі было Br710 (ацэнка па году - Br742), у рэальным сектары - Br998 (ацэнка па году - больш за Br1 тыс.).-0-
