13 лютага, Мінск /Кар. БЕЛТА/. Праграма супрацоўніцтва паміж Міністэрствам замежных спраў Беларусі і Міністэрствам замежных спраў і знешняга гандлю Венгрыі на 2023 год падпісана ў Мінску па выніках перагавораў кіраўнікоў знешнепалітычных ведамстваў, перадае карэспандэнт БЕЛТА.
Як расказалі ў беларускім знешнепалітычным ведамстве, праграма прадугледжвае прадаўжэнне практыкі правядзення дыялогу паміж міністэрствамі замежных спраў, комплекс мер па стымуляванні эканамічнага супрацоўніцтва, адукацыйных і культурных абменаў.
Міністр замежных спраў і знешняга гандлю Венгрыі Петэр Сіярта 13 лютага прыляцеў з візітам у Беларусь. У Мінску ён правёў перагаворы са сваім беларускім калегам, кіраўніком знешнепалітычнага ведамства Сяргеем Алейнікам, а таксама з міністрам эканомікі Аляксандрам Чарвяковым.-0-
