Фота з архіва
22 верасня, Мінск /Кар. БЕЛТА/. У Мінску стартавала творчая стажыроўка кіраўнікоў замежных беларускіх непрафесійных (аматарскіх) калектываў мастацкай творчасці і кіраўнікоў грамадскіх аб'яднанняў беларусаў замежжа. Аб гэтым журналістам расказала намеснік дырэктара Рэспубліканскага цэнтра нацыянальных культур Вольга Хачкова, перадае карэспандэнт БЕЛТА.
"Творчая стажыроўка ў гэтым годзе ўжо трэцяя. Гэта стажыроўка накіравана на паглыбленае вывучэнне традыцыйнай народнай творчасці Беларусі, народных рамёстваў і промыслаў для далейшай іх папулярызацыі ў краінах пражывання, адкуль прыехалі нашы суайчыннікі", - сказала Вольга Хачкова.
Паводле яе слоў, удзельнікаў стажыроўкі чакае насычаная праграма, якая ўключае ў сябе майстар-класы майстроў народнай творчасці па саломапляценні, пляценні паясоў, ганчарстве, роспісе па шкле, ручной набойцы па тканіне, рабоце з прыроднымі матэрыяламі.
"У стажыроўцы прымаюць удзел 30 чалавек з пяці краін: Расіі, Італіі, Казахстана, Латвіі і Літвы. Да нас прыехалі кіраўнікі гурткоў народнай творчасці, старшыні і прадстаўнікі грамадскіх аб'яднанняў беларусаў замежжа", - дадала намеснік дырэктара Рэспубліканскага цэнтра нацыянальных культур.
У праграме - нефармальная сустрэча з міністрам культуры Русланам Чарнецкім і ўпаўнаважаным па справах рэлігій і нацыянальнасцей Аляксандрам Румакам, якая пройдзе 25 верасня.
Адбудуцца і выезды беларусаў замежжа ў рэгіёны рэспублікі. Нашы суайчыннікі наведаюць установы культуры Бярозаўскага і Івацэвіцкага раёнаў Брэсцкай вобласці, Мінскага раёна Мінскай вобласці, дзе пазнаёмяцца з мясцовай традыцыйнай культурай, разнастайнымі відамі народнай творчасці, нацыянальнай кухняй, гісторыяй, унікальнымі мясцінамі. 26 верасня адбудзецца ўскладанне кветак да памятнага знака на месцы масавых расстрэлаў жыхароў горада Заслаўя і ваеннапалонных. Таксама ўдзельнікі стажыроўкі наведаюць адно з вядучых прадпрыемстваў краіны РУП "Белмедпрэпараты" і гандлёвы цэнтр "Першы нацыянальны гандлёвы дом".-0-
"Творчая стажыроўка ў гэтым годзе ўжо трэцяя. Гэта стажыроўка накіравана на паглыбленае вывучэнне традыцыйнай народнай творчасці Беларусі, народных рамёстваў і промыслаў для далейшай іх папулярызацыі ў краінах пражывання, адкуль прыехалі нашы суайчыннікі", - сказала Вольга Хачкова.
Паводле яе слоў, удзельнікаў стажыроўкі чакае насычаная праграма, якая ўключае ў сябе майстар-класы майстроў народнай творчасці па саломапляценні, пляценні паясоў, ганчарстве, роспісе па шкле, ручной набойцы па тканіне, рабоце з прыроднымі матэрыяламі.
"У стажыроўцы прымаюць удзел 30 чалавек з пяці краін: Расіі, Італіі, Казахстана, Латвіі і Літвы. Да нас прыехалі кіраўнікі гурткоў народнай творчасці, старшыні і прадстаўнікі грамадскіх аб'яднанняў беларусаў замежжа", - дадала намеснік дырэктара Рэспубліканскага цэнтра нацыянальных культур.
У праграме - нефармальная сустрэча з міністрам культуры Русланам Чарнецкім і ўпаўнаважаным па справах рэлігій і нацыянальнасцей Аляксандрам Румакам, якая пройдзе 25 верасня.
Адбудуцца і выезды беларусаў замежжа ў рэгіёны рэспублікі. Нашы суайчыннікі наведаюць установы культуры Бярозаўскага і Івацэвіцкага раёнаў Брэсцкай вобласці, Мінскага раёна Мінскай вобласці, дзе пазнаёмяцца з мясцовай традыцыйнай культурай, разнастайнымі відамі народнай творчасці, нацыянальнай кухняй, гісторыяй, унікальнымі мясцінамі. 26 верасня адбудзецца ўскладанне кветак да памятнага знака на месцы масавых расстрэлаў жыхароў горада Заслаўя і ваеннапалонных. Таксама ўдзельнікі стажыроўкі наведаюць адно з вядучых прадпрыемстваў краіны РУП "Белмедпрэпараты" і гандлёвы цэнтр "Першы нацыянальны гандлёвы дом".-0-
Падпісвайцеся на нас у
