13 снежня, Мінск /Кар. БЕЛТА/. У праекце "Сумленны расказ" на YouTube-канале БЕЛТА бежанец з Латвіі Раман Самуль расказаў аб тым, як складваецца жыццё ў Беларусі.
Раман Самуль адзначыў, што спачатку пасля пераезду яму было цяжка. "Як і любыя перасяленцы, мы сутыкаемся з легалізацыяй. У мяне была крыху іншая сітуацыя. Усё ж такі я вымушана выехаў з Латвіі. Пакуль я чакаў свой статус, вельмі хваляваўся: атрымаю яго, не атрымаю", - падзяліўся ён.
Пасля атрымання статусу бежанца, сказаў Раман Самуль, стала маральна прасцей: "Я ўжо разумеў, што мяне ў любым выпадку тут прынялі, усё будзе добра".
Пасля афармлення свайго статусу за ім пераехала і жонка Вольга, якая таксама атрымала статус бежанца. "Ёй ужо нельга было вяртацца, - дадаў Раман. - Ёю проста маглі скарыстацца і праз яе выцягнуць мяне назад (у Латвію. - Заўвага БЕЛТА)".
Пераехаўшы ў Беларусь, Раман Самуль пайшоў працаваць у гаспадарку, сям'я купіла дом у вёсцы. Разам з купляй дома ім у спадчыну дасталіся чацвёра катоў, ёсць у сямейнай пары і сабака, у якога не функцыянуюць ногі. "Склалася так, што спачатку я пайшоў працаваць у калгас. Адпрацаваў пэўны час, і мне прапанавалі стаць пазаштатным журналістам у Белтэлерадыёкампаніі", - расказаў Раман Самуль. Ён вядзе некалькі каналаў на YouTube. Адзін з іх на тэму палітыкі, другі - сямейны, дзе акрамя таго, што расказвае пра нюансы пераезду ў Беларусь, падказвае людзям нейкія важныя нюансы. "Я - як грамадскі дзеяч, за гэта грошай не бяру. Я заўсёды спрабую дапамагчы людзям. Бясплатна. І прашу толькі, каб яны проста расказвалі ў параўнанні, як жылося там і як жывецца тут", - падкрэсліў ён.
На сваім канале сямейная пара таксама расказвае пра вясковае жыццё. Паводле слоў Рамана, ім дастаўся добры дом з добрым склепам, гаспадарчымі пабудовамі. "Літаральна за чатыры месяцы мы зрабілі вельмі многае. Дом набылі ва ўласнасць, шмат што купілі. Вочы, як кажуць, баяцца, а рукі робяць. І гэта можа кожны, толькі была б нейкая ідэя і рух наперад", - лічыць Раман Самуль.-0-
Раман Самуль адзначыў, што спачатку пасля пераезду яму было цяжка. "Як і любыя перасяленцы, мы сутыкаемся з легалізацыяй. У мяне была крыху іншая сітуацыя. Усё ж такі я вымушана выехаў з Латвіі. Пакуль я чакаў свой статус, вельмі хваляваўся: атрымаю яго, не атрымаю", - падзяліўся ён.
Пасля атрымання статусу бежанца, сказаў Раман Самуль, стала маральна прасцей: "Я ўжо разумеў, што мяне ў любым выпадку тут прынялі, усё будзе добра".
Пасля афармлення свайго статусу за ім пераехала і жонка Вольга, якая таксама атрымала статус бежанца. "Ёй ужо нельга было вяртацца, - дадаў Раман. - Ёю проста маглі скарыстацца і праз яе выцягнуць мяне назад (у Латвію. - Заўвага БЕЛТА)".
Пераехаўшы ў Беларусь, Раман Самуль пайшоў працаваць у гаспадарку, сям'я купіла дом у вёсцы. Разам з купляй дома ім у спадчыну дасталіся чацвёра катоў, ёсць у сямейнай пары і сабака, у якога не функцыянуюць ногі. "Склалася так, што спачатку я пайшоў працаваць у калгас. Адпрацаваў пэўны час, і мне прапанавалі стаць пазаштатным журналістам у Белтэлерадыёкампаніі", - расказаў Раман Самуль. Ён вядзе некалькі каналаў на YouTube. Адзін з іх на тэму палітыкі, другі - сямейны, дзе акрамя таго, што расказвае пра нюансы пераезду ў Беларусь, падказвае людзям нейкія важныя нюансы. "Я - як грамадскі дзеяч, за гэта грошай не бяру. Я заўсёды спрабую дапамагчы людзям. Бясплатна. І прашу толькі, каб яны проста расказвалі ў параўнанні, як жылося там і як жывецца тут", - падкрэсліў ён.
На сваім канале сямейная пара таксама расказвае пра вясковае жыццё. Паводле слоў Рамана, ім дастаўся добры дом з добрым склепам, гаспадарчымі пабудовамі. "Літаральна за чатыры месяцы мы зрабілі вельмі многае. Дом набылі ва ўласнасць, шмат што купілі. Вочы, як кажуць, баяцца, а рукі робяць. І гэта можа кожны, толькі была б нейкая ідэя і рух наперад", - лічыць Раман Самуль.-0-
Падпісвайцеся на нас у
