ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск Суцэльная воблачнасць +11°C
Усе навіны
Усе навіны
Грамадства
18 красавіка 2022, 16:14

СК: справы аб экстрэмізме складаюць не больш за 5-6 працэнтаў ад агульнай колькасці злачынстваў

Фота з архіва
Фота з архіва

18 красавіка, Мінск /Кар. БЕЛТА/. Справы аб экстрэмізме складаюць нязначны працэнт ад агульнай колькасці злачынстваў. Аб гэтым у інтэрв'ю карэспандэнту БЕЛТА расказаў намеснік старшыні Следчага камітэта Анатоль Васільеў.

"Справы аб экстрэмізме складаюць не больш за 5-6 працэнтаў ад агульнай колькасці злачынстваў. Асноўную ўдзельную вагу складаюць паклёп, абразы, распаўсюджванне інфармацыі аб прыватным жыцці і персанальных даных - 41 працэнт. Яшчэ 17 працэнтаў складаюць апаганенне збудаванняў і пашкоджанне маёмасці. З рэальным прымяненнем насілля ўчынена нязначная колькасць злачынстваў гэтай катэгорыі. Пераважная большасць злачынстваў - ад абраз і пагроз да распальвання варожасці, арганізацыі масавых беспарадкаў, актаў тэрарызму - учынена з выкарыстаннем інфармацыйных тэхналогій", - падзяліўся статыстыкай Анатоль Васільеў.

Ён нагадаў, што ў мінулым годзе ў Беларусі было змяненне закона аб экстрэмізме, дзе дакладна акрэслена разуменне экстрэмісцкай дзейнасці. Былі ўведзены артыкулы за садзейнічанне экстрэмісцкай дзейнасці, удзел у экстрэмісцкім фарміраванні, вербаванне і абучэнне.

"Дзякуючы абноўленаму закону аб экстрэмізме доступ да дэструктыўных крыніц быў закрыты. Мы пастаянна тлумачым, да чаго прыводзіць узаемадзеянне з імі. Прадастаўленне любой інфармацыі экстрэмістам вядзе да крымінальнай адказнасці. Інакш нельга захаваць парадак і навесці яго ў галовах. Што датычыцца экстрэмізму, адзначу, што ніхто з прадстаўнікоў пратэсна-радыкальнага свету нічога звышновага не адкрыў. Нехта гаворыць, што абмеркаванні вакол метадычкі Джына Шарпа моцна перабольшаны, адмаўляючы, што нехта па ёй працаваў у жніўні 2020 года. Нібы ўсё было стыхійна, арыгінальна і, як любяць гаварыць, неверагодна. Следства ж пераканалася ў адваротным, і факты гавораць самі за сябе", - сказаў намеснік старшыні СК.

Анатоль Васільеў назваў канкрэтныя праяўленні экстрэмісцкай дзейнасці. "Можна ўспомніць рысаванне ў знак пратэсту. Са жніўня 2020 года зарэгістравана 1465 злачынстваў аб апаганенні збудаванняў і пашкоджанні маёмасці. Або так званыя сімвалічныя гукі - сігналы аўтамабіляў на дарозе. Думаю, усе памятаюць многа такіх акцый. Яшчэ адзін яскравы прыклад - гэта насмешкі з афіцыйных асоб. Так, у Віцебску была ўзбуджана крымінальная справа ў адносінах да мясцовых жыхароў, якія арганізоўвалі пастановачнае пахаванне на могілках і разбівалі на відэа экран тэлевізара з фатаграфіяй беларускага журналіста", - паведаміў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі