29 студзеня, Мінск /Кар. БЕЛТА/. Лепшых супрацоўнікаў Акадэміі кіравання пры Прэзідэнце Беларусі адзначылі ў час урачыстага сходу з нагоды 35-годдзя кузні кіраўніцкіх кадраў, праведзенага на сцэне Палаца Рэспублікі, перадае карэспандэнт БЕЛТА.
Першы намеснік кіраўніка Адміністрацыі Прэзідэнта Уладзімір Пярцоў, звяртаючыся са сцэны да ўдзельнікаў урачыстага сходу, адзначыў, што большасць кіруючых кадраў у сістэме дзяржаўнага кіравання, на прадпрыемствах, ваеннай службе, іншых адказных галінах краіны - гэта выпускнікі Акадэміі кіравання пры Прэзідэнце Беларусі.
"Для нас, у Адміністрацыі Прэзідэнта, гэта асаблівы знак якасці. Калі чалавек навучаўся або прайшоў перападрыхтоўку ў акадэміі, значыць, ён прайшоў праз тых выкладчыкаў, тыя праграмы і дакладна ведае, што такое тэорыя і практыка дзяржаўнага кіравання. А значыць, з ім можна будзе працаваць", - сказаў ён.
Сярод тых, хто быў адзначаны ганаровай граматай Міністэрства замежных спраў, - загадчык кафедры эканамічнай палітыкі і дзяржаўнага кіравання Інстытута кіраўніцкіх кадраў доктар гістарычных навук, прафесар Валерый Мацэль. Добрую частку сваёй працоўнай дзейнасці, практычна 16 гадоў, ён прапрацаваў у пасольстве Беларусі ў Кітаі, потым - каля сямі гадоў - у генеральным консульстве Беларусі ў Шанхаі.
"Задача любога дыпламата - "класціся з экспартам, прачынацца з інвестыцыямі", чым, уласна, мы і займаліся - прасоўваннем экспарту, тавараў, паслуг, прыцягненнем інвестыцый. Я цяпер працую ў Акадэміі кіравання і вельмі шчаслівы. Я рады, што ёсць магчымасць перадаць нашым студэнтам свой вопыт", - адзначыў ён у каментарыі журналістам.
Валерый Мацэль звярнуў увагу, што галоўная задача выкладчыкаў - навучыць студэнтаў і слухачоў, якія атрымліваюць другую вышэйшую адукацыю, менавіта дзяржаўнаму рэгуляванню знешнеэканамічнай дзейнасці, а калі проста - таму, як эфектыўна, рэзультатыўна развіваць экспарт тавараў, паслуг на знешнія рынкі, як стварыць максімальныя камфортныя ўмовы для прыцягнення замежных інвестыцый у Беларусь.
"Ёсць тэорыя. Але ёсць практыка. Мы расказваем, як пачыналі з ільновалакна, затым узялі сухое малако, затым перайшлі да ялавічыны, затым - да лесаматэрыялаў. І цяпер у нас амаль $2 млрд экспарту на кітайскі рынак, самы высокаканкурэнтны і самы вялікі ў свеце", - адзначыў загадчык кафедры.
Ён лічыць, што гэта шанцаванне па жыцці - рыхтаваць слухачоў, якія атрымліваюць другую вышэйшую адукацыю. "Гэта не проста студэнты, а людзі, якія працуюць на вытворчасці. Гэта кіраўнікі прадпрыемстваў. Ідзе ўзаемаўзбагачэнне. Мы і тэорыю, і ў пэўнай ступені практыку выкладаем. Чуем (зваротную сувязь. - Заўвага БЕЛТА), як на самай справе гэта працуе. Ідуць пэўныя дыскусіі", - сказаў ён.
Прыемна працаваць, паводле слоў загадчыка кафедры, і са студэнтамі, якіх называюць "залатой сотняй". "Трапляюць туды ў 80-90 працэнтаў чыстыя медалісты. Працаваць з такімі студэнтамі прыемна, разам з тым даволі складана", - падзяліўся ён меркаваннем.
Рэктар Акадэміі кіравання Дзяніс Дук адзначыў, што ўстанова, якую ён узначальвае, беражліва адносіцца да пытанняў пераемнасці, але таксама развіваецца. "Захаваўся касцяк прафесарска-выкладчыцкага складу. Прыйшлі новыя людзі - маладыя, амбіцыйныя, якія бачылі сваю мэту і рэалізацыю ў новых умовах. Гэты сплаў вопыту і маладосці дае нам магчымасць упэўнена глядзець у заўтрашні дзень", - сказаў ён.
Звяртаючыся да калектыву са сцэны Палаца Рэспублікі, рэктар заклікаў і ў далейшым прыкладаць намаганні для рэалізацыі тых даручэнняў, якія ставіць кіраўнік дзяржавы. "А гэтыя даручэнні заўсёды ідуць ад жыцця. Яны заўсёды актуальныя. Яны заўсёды на злобу дня. Не сумняваюся, што даручэнні Аляксандра Рыгоравіча Лукашэнкі будуць намі выкананы. І мы будзем рыхтаваць высакакласных спецыялістаў на карысць роднай Беларусі. Наша любімая краіна будзе і ў далейшым упэўнена развівацца і квітнець", - сказаў на заканчэнне ён.-0-
Першы намеснік кіраўніка Адміністрацыі Прэзідэнта Уладзімір Пярцоў, звяртаючыся са сцэны да ўдзельнікаў урачыстага сходу, адзначыў, што большасць кіруючых кадраў у сістэме дзяржаўнага кіравання, на прадпрыемствах, ваеннай службе, іншых адказных галінах краіны - гэта выпускнікі Акадэміі кіравання пры Прэзідэнце Беларусі.
"Для нас, у Адміністрацыі Прэзідэнта, гэта асаблівы знак якасці. Калі чалавек навучаўся або прайшоў перападрыхтоўку ў акадэміі, значыць, ён прайшоў праз тых выкладчыкаў, тыя праграмы і дакладна ведае, што такое тэорыя і практыка дзяржаўнага кіравання. А значыць, з ім можна будзе працаваць", - сказаў ён.
Сярод тых, хто быў адзначаны ганаровай граматай Міністэрства замежных спраў, - загадчык кафедры эканамічнай палітыкі і дзяржаўнага кіравання Інстытута кіраўніцкіх кадраў доктар гістарычных навук, прафесар Валерый Мацэль. Добрую частку сваёй працоўнай дзейнасці, практычна 16 гадоў, ён прапрацаваў у пасольстве Беларусі ў Кітаі, потым - каля сямі гадоў - у генеральным консульстве Беларусі ў Шанхаі.
"Задача любога дыпламата - "класціся з экспартам, прачынацца з інвестыцыямі", чым, уласна, мы і займаліся - прасоўваннем экспарту, тавараў, паслуг, прыцягненнем інвестыцый. Я цяпер працую ў Акадэміі кіравання і вельмі шчаслівы. Я рады, што ёсць магчымасць перадаць нашым студэнтам свой вопыт", - адзначыў ён у каментарыі журналістам.
Валерый Мацэль звярнуў увагу, што галоўная задача выкладчыкаў - навучыць студэнтаў і слухачоў, якія атрымліваюць другую вышэйшую адукацыю, менавіта дзяржаўнаму рэгуляванню знешнеэканамічнай дзейнасці, а калі проста - таму, як эфектыўна, рэзультатыўна развіваць экспарт тавараў, паслуг на знешнія рынкі, як стварыць максімальныя камфортныя ўмовы для прыцягнення замежных інвестыцый у Беларусь.
"Ёсць тэорыя. Але ёсць практыка. Мы расказваем, як пачыналі з ільновалакна, затым узялі сухое малако, затым перайшлі да ялавічыны, затым - да лесаматэрыялаў. І цяпер у нас амаль $2 млрд экспарту на кітайскі рынак, самы высокаканкурэнтны і самы вялікі ў свеце", - адзначыў загадчык кафедры.
Ён лічыць, што гэта шанцаванне па жыцці - рыхтаваць слухачоў, якія атрымліваюць другую вышэйшую адукацыю. "Гэта не проста студэнты, а людзі, якія працуюць на вытворчасці. Гэта кіраўнікі прадпрыемстваў. Ідзе ўзаемаўзбагачэнне. Мы і тэорыю, і ў пэўнай ступені практыку выкладаем. Чуем (зваротную сувязь. - Заўвага БЕЛТА), як на самай справе гэта працуе. Ідуць пэўныя дыскусіі", - сказаў ён.
Прыемна працаваць, паводле слоў загадчыка кафедры, і са студэнтамі, якіх называюць "залатой сотняй". "Трапляюць туды ў 80-90 працэнтаў чыстыя медалісты. Працаваць з такімі студэнтамі прыемна, разам з тым даволі складана", - падзяліўся ён меркаваннем.
Рэктар Акадэміі кіравання Дзяніс Дук адзначыў, што ўстанова, якую ён узначальвае, беражліва адносіцца да пытанняў пераемнасці, але таксама развіваецца. "Захаваўся касцяк прафесарска-выкладчыцкага складу. Прыйшлі новыя людзі - маладыя, амбіцыйныя, якія бачылі сваю мэту і рэалізацыю ў новых умовах. Гэты сплаў вопыту і маладосці дае нам магчымасць упэўнена глядзець у заўтрашні дзень", - сказаў ён.
Звяртаючыся да калектыву са сцэны Палаца Рэспублікі, рэктар заклікаў і ў далейшым прыкладаць намаганні для рэалізацыі тых даручэнняў, якія ставіць кіраўнік дзяржавы. "А гэтыя даручэнні заўсёды ідуць ад жыцця. Яны заўсёды актуальныя. Яны заўсёды на злобу дня. Не сумняваюся, што даручэнні Аляксандра Рыгоравіча Лукашэнкі будуць намі выкананы. І мы будзем рыхтаваць высакакласных спецыялістаў на карысць роднай Беларусі. Наша любімая краіна будзе і ў далейшым упэўнена развівацца і квітнець", - сказаў на заканчэнне ён.-0-
Падпісвайцеся на нас у
