Фота парку жывёл у Баранавічах
16 лютага, Брэст /Кар. БЕЛТА/. "Амерыканскаму пасажыру" яноту Сені ўручылі беларускі пашпарт на новым месцы жыхарства. Пасяліўся ён у парку жывёл у Баранавічах, паведамляе карэспандэнт БЕЛТА.
Янота Сеню ведае ўся Беларусь пасля яго незвычайнага падарожжа. У нашу краіну ён прыбыў з ЗША ў марскім кантэйнеры з аўтамабілямі. Іншаземец знаходзіўся на каранціне ў Ашмянскай раённай ветэрынарнай станцыі, а потым пераехаў у парк жывёл у Баранавічах.
На новым месцы жыхарства Сеня знаходзіцца пад пастаянным наглядам спецыялістаў. Прынялі яго вельмі сардэчна. Для яго падрыхтавалі прасторную вальеру, кормяць рознымі далікатэсамі. Да нядаўняга часу "амерыканскі пасажыр" быў нелегалам. У Баранавічах гэта выправілі: Сені ўручылі беларускі пашпарт. Аб гэтай падзеі парк жывёл паведаміў у сваіх сацсетках.
У дакуменце пазначана, што янот Сеня нарадзіўся ў лесе ў ЗША. Спецыялісты ўказалі дату нараджэння: 27.10.2023. Выдадзены пашпарт 12 лютага, сапраўдны ён да 2036 года.
Пакуль новы жыхар баранавіцкага парку жывёл праходзіць адаптацыю. Дарэчы, гэта месца адпачынку ўваходзіць у топ-3 найбольш наведваемых турыстамі мясцін Брэсцкай вобласці.-0-
Янота Сеню ведае ўся Беларусь пасля яго незвычайнага падарожжа. У нашу краіну ён прыбыў з ЗША ў марскім кантэйнеры з аўтамабілямі. Іншаземец знаходзіўся на каранціне ў Ашмянскай раённай ветэрынарнай станцыі, а потым пераехаў у парк жывёл у Баранавічах.
На новым месцы жыхарства Сеня знаходзіцца пад пастаянным наглядам спецыялістаў. Прынялі яго вельмі сардэчна. Для яго падрыхтавалі прасторную вальеру, кормяць рознымі далікатэсамі. Да нядаўняга часу "амерыканскі пасажыр" быў нелегалам. У Баранавічах гэта выправілі: Сені ўручылі беларускі пашпарт. Аб гэтай падзеі парк жывёл паведаміў у сваіх сацсетках.
У дакуменце пазначана, што янот Сеня нарадзіўся ў лесе ў ЗША. Спецыялісты ўказалі дату нараджэння: 27.10.2023. Выдадзены пашпарт 12 лютага, сапраўдны ён да 2036 года.
Пакуль новы жыхар баранавіцкага парку жывёл праходзіць адаптацыю. Дарэчы, гэта месца адпачынку ўваходзіць у топ-3 найбольш наведваемых турыстамі мясцін Брэсцкай вобласці.-0-
Падпісвайцеся на нас у
