Фота з архіва
14 лютага, Мінск /Кар. БЕЛТА/. Пытанні рэалізацыі сумесных праектаў абмеркаваны ў час паездкі Надзвычайнага і Паўнамоцнага Пасла Беларусі ў Егіпце і Султанаце Аман па сумяшчальніцтве Яўгена Сабалеўскага ў Маскат. Аб гэтым паведамілі БЕЛТА ў прэс-службе МЗС.
У час сустрэчы беларускага дыпламата з прэзідэнтам Аманскага інвестыцыйнага агенцтва Абдэльсаламам аль-Муршыдзі адзначаны пазітыўная дынаміка кантактаў профільных ведамстваў і дзелавых колаў Беларусі і Амана, а таксама інтэнсіўнасць сумеснай работы па рэалізацыі гандлёва-эканамічных і інвестыцыйных праектаў у рэчышчы існуючых дамоўленасцей на вышэйшым і высокім узроўні. Бакі абмеркавалі графік двухбаковых мерапрыемстваў на бліжэйшую перспектыву, у тым ліку першае пасяджэнне сумеснага камітэта па супрацоўніцтве і інвестыцыях.
На сустрэчы з міністрам аховы здароўя Амана Гілялем аль-Себці разгледжана рэалізацыя дамоўленасцей, дасягнутых у час візіту кіраўніка аманскага ведамства ў Беларусь у чэрвені 2025 года. Субяседнікі выказалі зацікаўленасць у абмене вопытам лячэння анкалагічных захворванняў і ў галіне транспланталогіі, адзначыўшы нарошчванне кантактаў паміж медыцынскімі ўстановамі дзвюх краін. Асаблівая ўвага была ўдзелена перспектывам супрацоўніцтва ў сферы вытворчасці і паставак лекавых прэпаратаў.
Са старшынёй Дзяржаўнага ўпраўлення па асаблівых эканамічных і свабодных зонах Кайсам аль-Юсефам Яўген Сабалеўскі абмеркаваў фарматы рэалізацыі праекта па стварэнні беларускага рээкспартнага хаба ў Амане. Прапрацоўка пытання будзе прадоўжана з зацікаўленымі органамі ў Беларусі.
Па выніках сустрэчы з намеснікам міністра гандлю, прамысловасці і садзейнічання інвестыцыям Амана Галібам аль-Мамары адзначана плённае ўзаемадзеянне пры прапрацоўцы сумесных праектаў прамысловай кааперацыі, абазначаны перспектывы супрацоўніцтва ў дрэваапрацоўцы і мэблевай прамысловасці. Выяўлена гатоўнасць прадаўжаць узаемадзеянне ў сферы антыманапольнага рэгулявання паміж профільнымі міністэрствамі дзвюх краін.
Са старшынёй Аманскай гандлёва-прамысловай палаты Фейсалам аль-Равасам абмеркаваны пытанні арганізацыі сумесных мерапрыемстваў па лініі дзелавых колаў. Бакі дамовіліся садзейнічаць развіццю супрацоўніцтва паміж беларускімі і аманскімі камерцыйнымі арганізацыямі ў сферах прамысловасці, харчовай бяспекі, інфармацыйных тэхналогій.
Раней стала вядома, што ўрад Беларусі прыняў рашэнне аб адкрыцці пасольства ў Султанаце Аман. Пастаянная дыпламатычная прысутнасць Беларусі ў Амане дасць магчымасць значна павысіць эфектыўнасць работы па развіцці палітычных, гандлёва-эканамічных і інвестыцыйных сувязей, больш глыбока вывучаць магчымасці прамысловай кааперацыі і сумеснага асваення новых рынкаў. Гэта ўмацуе пазіцыі Беларусі на аманскім напрамку, а таксама дапаможа знайсці новыя выхады на краіны Афрыкі і Емен.-0-
У час сустрэчы беларускага дыпламата з прэзідэнтам Аманскага інвестыцыйнага агенцтва Абдэльсаламам аль-Муршыдзі адзначаны пазітыўная дынаміка кантактаў профільных ведамстваў і дзелавых колаў Беларусі і Амана, а таксама інтэнсіўнасць сумеснай работы па рэалізацыі гандлёва-эканамічных і інвестыцыйных праектаў у рэчышчы існуючых дамоўленасцей на вышэйшым і высокім узроўні. Бакі абмеркавалі графік двухбаковых мерапрыемстваў на бліжэйшую перспектыву, у тым ліку першае пасяджэнне сумеснага камітэта па супрацоўніцтве і інвестыцыях.
На сустрэчы з міністрам аховы здароўя Амана Гілялем аль-Себці разгледжана рэалізацыя дамоўленасцей, дасягнутых у час візіту кіраўніка аманскага ведамства ў Беларусь у чэрвені 2025 года. Субяседнікі выказалі зацікаўленасць у абмене вопытам лячэння анкалагічных захворванняў і ў галіне транспланталогіі, адзначыўшы нарошчванне кантактаў паміж медыцынскімі ўстановамі дзвюх краін. Асаблівая ўвага была ўдзелена перспектывам супрацоўніцтва ў сферы вытворчасці і паставак лекавых прэпаратаў.
Са старшынёй Дзяржаўнага ўпраўлення па асаблівых эканамічных і свабодных зонах Кайсам аль-Юсефам Яўген Сабалеўскі абмеркаваў фарматы рэалізацыі праекта па стварэнні беларускага рээкспартнага хаба ў Амане. Прапрацоўка пытання будзе прадоўжана з зацікаўленымі органамі ў Беларусі.
Па выніках сустрэчы з намеснікам міністра гандлю, прамысловасці і садзейнічання інвестыцыям Амана Галібам аль-Мамары адзначана плённае ўзаемадзеянне пры прапрацоўцы сумесных праектаў прамысловай кааперацыі, абазначаны перспектывы супрацоўніцтва ў дрэваапрацоўцы і мэблевай прамысловасці. Выяўлена гатоўнасць прадаўжаць узаемадзеянне ў сферы антыманапольнага рэгулявання паміж профільнымі міністэрствамі дзвюх краін.
Са старшынёй Аманскай гандлёва-прамысловай палаты Фейсалам аль-Равасам абмеркаваны пытанні арганізацыі сумесных мерапрыемстваў па лініі дзелавых колаў. Бакі дамовіліся садзейнічаць развіццю супрацоўніцтва паміж беларускімі і аманскімі камерцыйнымі арганізацыямі ў сферах прамысловасці, харчовай бяспекі, інфармацыйных тэхналогій.
Раней стала вядома, што ўрад Беларусі прыняў рашэнне аб адкрыцці пасольства ў Султанаце Аман. Пастаянная дыпламатычная прысутнасць Беларусі ў Амане дасць магчымасць значна павысіць эфектыўнасць работы па развіцці палітычных, гандлёва-эканамічных і інвестыцыйных сувязей, больш глыбока вывучаць магчымасці прамысловай кааперацыі і сумеснага асваення новых рынкаў. Гэта ўмацуе пазіцыі Беларусі на аманскім напрамку, а таксама дапаможа знайсці новыя выхады на краіны Афрыкі і Емен.-0-
Падпісвайцеся на нас у
