Мабільная версія
ДЗЯРЖОРГАНЫ

Апошнія навіны
Усе навіны

Пагадненне аб спрашчэнні візавага рэжыму плануецца падпісаць да 2 лютага 2020 года - Віктарын

Палітыка 22.07.2019 | 13:15
Андрэа Віктарын
Андрэа Віктарын

22 ліпеня, Мінск /Кацярына Крышэнік - БЕЛТА/. Пагадненне аб спрашчэнні візавага рэжыму паміж Беларуссю і Еўрапейскім саюзам плануецца падпісаць да 2 лютага 2020 года - даты, калі ўступяць у сілу змяненні ў візавы кодэкс і шэнгенская віза падаражэе да 80 еўра. Аб гэтым паведаміла сёння журналістам кіраўнік прадстаўніцтва Еўрапейскага саюза ў Беларусі Андрэа Віктарын, перадае карэспандэнт БЕЛТА.

"Так, мы падпішам пагадненне аб спрашчэнні візавага рэжыму. Я не магу назваць канкрэтную дату, але фактычна ўсе дакументы падрыхтаваны ўжо і абодва бакі праходзяць неабходныя прававыя юрыдычныя працэдуры", - сказала Андрэа Віктарын.

Гэтай работай з абодвух бакоў займаецца спецыяльная камісія. Як мяркуецца, яна завершыць сваю дзейнасць да лістапада 2019 года. "Таму што мы добра разумеем, ведаем крайнюю дату падпісання - 2 лютага 2020 года", - дадала яна.

Кіраўнік прадстаўніцтва ЕС адзначыла значны прагрэс у адносінах з Беларуссю за апошнія гады. У прыватнасці, практычна ўдвая павялічаны аб'ём дапамогі з боку Еўрапейскага банка рэканструкцыі і развіцця. "Многае дасягнута ва ўзаемаадносінах Беларусі і Еўрапейскага саюза. Напрыклад, створана каардынацыйная група, якая сустракаецца раз у паўгода, абмяркоўвае розныя праблемы, звязаныя з правамі чалавека, гандлем, эканамічным развіццём, мытнай сферай. Важна, каб гэтыя праблемы абмяркоўваліся спецыялістамі ў цесным супрацоўніцтве", - адзначыла Андрэа Віктарын.

На ўзаемнай аснове апошнім часам узрастае цікавасць да твінінг-праектаў. Яны ўжо рэалізуюцца паміж Нацыянальным банкам Беларусі і банкамі Польшчы, Германіі, Літвы. "Зацікаўленасць назіраецца з боку ЕС, паколькі гэта дае магчымасць спецыялістам з розных дзяржаўных устаноў ЕС дзяліцца вопытам з беларускімі калегамі", - дадала Андрэа Віктарын.

Твінінг - інструмент Еўрапейскага саюза, накіраваны на падтрымку непасрэднага ўзаемадзеяння паміж дзяржаўнымі органамі краін ЕС і краін-партнёраў, або бенефіцыяраў. Твінінг-праекты прадугледжваюць сумеснае выкарыстанне экспертнага патэнцыялу органаў дзяржаўнага кіравання краін ЕС і краін-бенефіцыяраў для дасягнення канкрэтна абумоўленых абавязковых практычных вынікаў.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Школьныя канікулы ў 2019/2020 навучальным годзе Дзень ведаў у Беларусі пройдзе 2 верасня. Тэмай першага ўрока стане радок з верша Янкі Купалы "Маладая Беларусь" - Занімай, Беларусь маладая мая, свой пачэсны пасад між народамі!".