Сцяг Пятніца, 14 чэрвеня 2024
Усе навіны
Усе навіны
Палітыка
30 красавіка 2024, 15:00

Галоўчанка: беларуская дэлегацыя матывавана на работу з егіпецкімі калегамі

У час сустрэчы
У час сустрэчы
30 красавіка, Каір /Кар. БЕЛТА/. Беларуская дэлегацыя матывавана на рэалізацыю сумесных праектаў з егіпецкімі партнёрамі. Аб гэтым заявіў прэм'ер-міністр Беларусі Раман Галоўчанка на сустрэчы з прэм'ер-міністрам Егіпта Мустафой Мадбулі, паведамляе БЕЛТА.

Прэм'ер-міністр Беларусі Раман Галоўчанка, які знаходзіцца з афіцыйным візітам у Егіпце, правёў перагаворы сам-насам са сваім калегам прэм'ер-міністрам Арабскай Рэспублікі Егіпет Мустафой Мадбулі.  

"Для нас вялікі гонар, што вы нанеслі нам гістарычны візіт, які, безумоўна, пасадзейнічае далейшаму развіццю ўзаемавыгадных адносін паміж нашымі краінамі", - заявіў Мустафа Мадбулі.

У сваю чаргу Раман Галоўчанка адзначыў: "Для мяне гонар знаходзіцца сёння тут, у Кабінеце міністраў Егіпта. Дзякуй вам вялікі за прыём".

"Беларуская дэлегацыя сёння складаецца з дзвюх частак - дзелавой і ўрадавай. Абедзве дэлегацыі сур'ёзна матываваны і гатовы рэалізаваць сумесныя праекты. Спадзяюся, што па выніках візіту будуць дасягнуты новыя пагадненні ў бізнесе", - сказаў прэм'ер-міністр Беларусі.

Далей па праграме візіту - сустрэча прэм'ераў у пашыраным складзе, падпісанне дакументаў аб супрацоўніцтве і адкрыццё беларуска-егіпецкага бізнес-форуму.-0-

Фота Паўла Арлоўскага
Падпісвайцеся на нас у
Twitter
Топ-навіны
Свежыя навіны Беларусі