30 красавіка, Магілёў /Кар. БЕЛТА/. Мы жывём у свабоднай, незалежнай і мірнай Беларусі, і гэта нам трэба захаваць. Такім меркаваннем з карэспандэнтам БЕЛТА падзялілася старшыня Слаўгарадскага раённага Савета дэпутатаў Святлана Язерская.
"На Усебеларускім народным сходзе я была ўжо двойчы, і вельмі гэтым ганаруся, - адзначае Святлана Язерская. - Мінулы раз прымалася рашэнне аб змяненні Канстытуцыі і статусу УНС, і пасля складаных падзей 2020 года шосты сход быў сапраўды лёсавызначальным. Сёмы сход таксама стаў вельмі важным і значным: мы зацвярджалі Канцэпцыю нацыянальнай бяспекі і Ваенную дактрыну - дакументы, якія прымушаюць задумацца аб вайне і міры".
Дэпутат падкрэсліла, што ехала дадому пасля УНС з адчуваннем адзінства і разумення, што мы разам. "УНС даў яшчэ раз зразумець, што ўсё залежыць ад нас саміх і нашага выбару, - прадоўжыла яна. - Хто, калі не мы, будзе рабіць нашу краіну лепшай і працаваць на яе карысць, захоўваць і прымнажаць цяперашнія дасягненні. Час выбраў нас - слоган , які з'явіўся нездарма, таму адзінства адчувалася ўсюды: у зале, на канцэрце, у кулуарах. Сёння вакол нас зноў ідуць спробы перадзелу свету і абвастраецца абстаноўка. Аднак мы, беларусы, пабудавалі незалежную дзяржаву, і нам трэба яе зберагчы. Нам ёсць за што змагацца і што захоўваць".
У краіне парадак і спакой - менавіта ў такой атмасферы тут нараджаюцца і растуць дзеці. "У такіх умовах мы хочам жыць і развівацца далей, аднак для гэтага ў першую чаргу патрэбны мір, - адзначае Святлана Язерская. - Каб яго забяспечыць, трэба разумець, што мы заўсёды зможам сябе абараніць. Таму на УНС і прымаліся такія сур'ёзныя рашэнні, якія датычацца вайны і міру. Яны былі абумоўлены цяперашняй сітуацыяй вакол Беларусі і Расіі. І ў гэтым пытанні дэлегаты былі адзіныя, а ўсё тое, аб чым гаварыў Прэзідэнт, адразу ж адгукалася і знаходзіла падтрымку ў зале.
Святлана Язерская звярнула ўвагу, што ва ўсіх дэлегатаў ёсць разуменне адказнасці перад народам, паколькі яны сталі прадстаўнікамі іх інтарэсаў на такім высокім узроўні. "Нас выбралі, і мы разам вырашаем вельмі важныя пытанні, - прадоўжыла яна. - Я вярнулася з Мінска з адчуваннем унутранага ўздыму і намерам жыць далей, працаваць і ствараць мірную Беларусь. Хочацца зайсці ў кожны калектыў, сустрэцца з жыхарамі раёна і перадаць гэту атмасферу, энергетыку і разуменне таго, да чаго мы ідзём, чаму перш за ўсё захоўваем мір. Паколькі час выбраў нас - не толькі дэлегатаў, а кожнага на сваім рабочым месцы, у сваім жыцці, у сваім населеным пункце. Час выбраў нас сёння жыць у Беларусі - свабоднай, незалежнай і мірнай, і гэта нам трэба захаваць і прымножыць".-0-
"На Усебеларускім народным сходзе я была ўжо двойчы, і вельмі гэтым ганаруся, - адзначае Святлана Язерская. - Мінулы раз прымалася рашэнне аб змяненні Канстытуцыі і статусу УНС, і пасля складаных падзей 2020 года шосты сход быў сапраўды лёсавызначальным. Сёмы сход таксама стаў вельмі важным і значным: мы зацвярджалі Канцэпцыю нацыянальнай бяспекі і Ваенную дактрыну - дакументы, якія прымушаюць задумацца аб вайне і міры".
Дэпутат падкрэсліла, што ехала дадому пасля УНС з адчуваннем адзінства і разумення, што мы разам. "УНС даў яшчэ раз зразумець, што ўсё залежыць ад нас саміх і нашага выбару, - прадоўжыла яна. - Хто, калі не мы, будзе рабіць нашу краіну лепшай і працаваць на яе карысць, захоўваць і прымнажаць цяперашнія дасягненні. Час выбраў нас - слоган , які з'явіўся нездарма, таму адзінства адчувалася ўсюды: у зале, на канцэрце, у кулуарах. Сёння вакол нас зноў ідуць спробы перадзелу свету і абвастраецца абстаноўка. Аднак мы, беларусы, пабудавалі незалежную дзяржаву, і нам трэба яе зберагчы. Нам ёсць за што змагацца і што захоўваць".
У краіне парадак і спакой - менавіта ў такой атмасферы тут нараджаюцца і растуць дзеці. "У такіх умовах мы хочам жыць і развівацца далей, аднак для гэтага ў першую чаргу патрэбны мір, - адзначае Святлана Язерская. - Каб яго забяспечыць, трэба разумець, што мы заўсёды зможам сябе абараніць. Таму на УНС і прымаліся такія сур'ёзныя рашэнні, якія датычацца вайны і міру. Яны былі абумоўлены цяперашняй сітуацыяй вакол Беларусі і Расіі. І ў гэтым пытанні дэлегаты былі адзіныя, а ўсё тое, аб чым гаварыў Прэзідэнт, адразу ж адгукалася і знаходзіла падтрымку ў зале.
Святлана Язерская звярнула ўвагу, што ва ўсіх дэлегатаў ёсць разуменне адказнасці перад народам, паколькі яны сталі прадстаўнікамі іх інтарэсаў на такім высокім узроўні. "Нас выбралі, і мы разам вырашаем вельмі важныя пытанні, - прадоўжыла яна. - Я вярнулася з Мінска з адчуваннем унутранага ўздыму і намерам жыць далей, працаваць і ствараць мірную Беларусь. Хочацца зайсці ў кожны калектыў, сустрэцца з жыхарамі раёна і перадаць гэту атмасферу, энергетыку і разуменне таго, да чаго мы ідзём, чаму перш за ўсё захоўваем мір. Паколькі час выбраў нас - не толькі дэлегатаў, а кожнага на сваім рабочым месцы, у сваім жыцці, у сваім населеным пункце. Час выбраў нас сёння жыць у Беларусі - свабоднай, незалежнай і мірнай, і гэта нам трэба захаваць і прымножыць".-0-
