18 сакавіка, Мінск /Кар. БЕЛТА/. Беларускі фонд фінансавай падтрымкі прадпрымальнікаў аб'явіў аб чарговым конкурсе інвестыцыйных праектаў суб'ектаў малога прадпрымальніцтва для аказання дзяржпадтрымкі, паведамілі БЕЛТА ў Міністэрстве эканомікі.
Віды дзяржаўнай фінансавай падтрымкі - пазыка (прадастаўленне грашовых сродкаў на вяртальнай платнай аснове) і лізінг маёмасці (прадастаўленне маёмасці на ўмовах фінансавай арэнды).
Малы бізнес зможа разлічваць на фінансавую падтрымку пры рэалізацыі праектаў па стварэнні, развіцці, пашырэнні вытворчасці тавараў (работ, паслуг), рэалізацыі экспартна арыентаванай, імпартазамяшчальнай прадукцыі, укараненні новых тэхналогій, а таксама праектаў па вытворчасці прадукцыі, накіраванай на энерга- і рэсурсазберажэнне.
Памер дзяржпадтрымкі - да Br232 тыс. у выглядзе пазыкі. Такая ж сума прадугледжана пры прадастаўленні маёмасці на ўмовах фінансавай арэнды (лізінгу). Агульная сума фінансавай падтрымкі аднаму суб'екту не можа перавышаць Br290 тыс.
Тэрмін прыёму заявак - па 31 сакавіка.
Больш падрабязна з умовамі конкурсу можна азнаёміцца на сайце Міністэрства эканомікі.-0-
