23 студзеня, Клімавіцкі раён /Кар. БЕЛТА/. Свінагадоўчы комплекс па адкорме свіней на 51 тыс. галоў узводзяць у філіяле "Клім-Агра" ААТ "Клімавіцкі камбінат хлебапрадуктаў" у Клімавіцкім раёне. Гатоўнасць аб'екта на сённяшні дзень складае амаль 60 працэнтаў, перадае карэспандэнт БЕЛТА.
З ходам работ сёння азнаёміўся кіраўнік Адміністрацыі Прэзідэнта Дзмітрый Крутой.
Як расказаў генеральны дырэктар ДУКВП "Магілёўаблсельбуд" Мікалай Волкаў, комплекс складаецца з дзвюх частак: інжынерна-транспартнай інфраструктуры і асноўнага аб'екта. Кошт складае больш за Br50 млн. "Сёння работы выконваюць нашы даччыныя прадпрыемствы - ПМК з Магілёва, Клімавіч, Чэрыкава, Слаўгарада. Увогуле на аб'екце сёння працуе амаль 100 чалавек, - расказаў ён. - Зімовыя ўмовы, вядома, крыху стрымліваюць тэмп работы, але ёсць спосабы працаваць і ў такое надвор'е. Таму работы не спыняюцца, вядуцца поўным ходам".
Паводле слоў дырэктара Клімавіцкага камбіната хлебапрадуктаў Аляксандра Рудзені, іх прадпрыемства рэалізуе ўжо другі праект па праграме сацыяльна-эканамічнага развіцця паўднёва-ўсходняга рэгіёна Магілёўскай вобласці. "Першы праект - гэта свінагадоўчы рэпрадуктар на 3,6 тыс. галоў асноўных свінаматак. Ён быў уведзены ў эксплуатацыю ў красавіку 2023 года, а ў красавіку 2025 года выйшаў на праектную магутнасць. Яна складае 100 тыс. маладняку свіней для далейшай пастаноўкі на адкорм, - расказаў ён. - Сёння будуецца комплекс па адкорме. Яго магутнасць - 51 тыс. галоў у год".
Новыя плошчы, адзначыў ён, дадуць магчымасць атрымліваць свініны на 5-7 тыс. т у год больш, або сумарна 11,1 тыс. т у год.
"Наш асноўны від дзейнасці - нарыхтоўка і перапрацоўка збожжавых культур, таму корму пад нашу патрэбнасць хопіць. Збожжа ў нас нарыхтавана ў поўным аб'ёме, усе засекі закладзены. Камбікормавы завод працуе на 100 працэнтаў. Сёння мы вырабляем 10 тыс. т камбікорму ў месяц і каля 5 тыс. т мукі, - расказаў Аляксандр Рудзеня. - Пасля завяршэння гэтай будоўлі плануецца яшчэ шэраг праектаў, таксама згодна з праграмай сацыяльна-эканамічнага развіцця паўднёва-ўсходняга рэгіёна. У іх ліку - рэканструкцыя лініі гранулявання на камбікормавым заводзе. Таксама плануецца ўстаноўка насеннай лініі, каб атрымліваць якаснае кандыцыйнае насенне і рэалізоўваць яго сельгасарганізацыям, узамен атрымліваць фуражнае збожжа. Гэта і зернесушыльны комплекс у Слаўгарадзе магутнасцю 100 т у гадзіну, які дасць магчымасць павялічыць аб'ёмы па прыёмцы збожжа і, адпаведна, атрымаць эканоміку ў лагістыцы збожжа".-0-
Фота Алега Файніцкага
З ходам работ сёння азнаёміўся кіраўнік Адміністрацыі Прэзідэнта Дзмітрый Крутой.
Як расказаў генеральны дырэктар ДУКВП "Магілёўаблсельбуд" Мікалай Волкаў, комплекс складаецца з дзвюх частак: інжынерна-транспартнай інфраструктуры і асноўнага аб'екта. Кошт складае больш за Br50 млн. "Сёння работы выконваюць нашы даччыныя прадпрыемствы - ПМК з Магілёва, Клімавіч, Чэрыкава, Слаўгарада. Увогуле на аб'екце сёння працуе амаль 100 чалавек, - расказаў ён. - Зімовыя ўмовы, вядома, крыху стрымліваюць тэмп работы, але ёсць спосабы працаваць і ў такое надвор'е. Таму работы не спыняюцца, вядуцца поўным ходам".
Паводле слоў дырэктара Клімавіцкага камбіната хлебапрадуктаў Аляксандра Рудзені, іх прадпрыемства рэалізуе ўжо другі праект па праграме сацыяльна-эканамічнага развіцця паўднёва-ўсходняга рэгіёна Магілёўскай вобласці. "Першы праект - гэта свінагадоўчы рэпрадуктар на 3,6 тыс. галоў асноўных свінаматак. Ён быў уведзены ў эксплуатацыю ў красавіку 2023 года, а ў красавіку 2025 года выйшаў на праектную магутнасць. Яна складае 100 тыс. маладняку свіней для далейшай пастаноўкі на адкорм, - расказаў ён. - Сёння будуецца комплекс па адкорме. Яго магутнасць - 51 тыс. галоў у год".
Новыя плошчы, адзначыў ён, дадуць магчымасць атрымліваць свініны на 5-7 тыс. т у год больш, або сумарна 11,1 тыс. т у год.
"Наш асноўны від дзейнасці - нарыхтоўка і перапрацоўка збожжавых культур, таму корму пад нашу патрэбнасць хопіць. Збожжа ў нас нарыхтавана ў поўным аб'ёме, усе засекі закладзены. Камбікормавы завод працуе на 100 працэнтаў. Сёння мы вырабляем 10 тыс. т камбікорму ў месяц і каля 5 тыс. т мукі, - расказаў Аляксандр Рудзеня. - Пасля завяршэння гэтай будоўлі плануецца яшчэ шэраг праектаў, таксама згодна з праграмай сацыяльна-эканамічнага развіцця паўднёва-ўсходняга рэгіёна. У іх ліку - рэканструкцыя лініі гранулявання на камбікормавым заводзе. Таксама плануецца ўстаноўка насеннай лініі, каб атрымліваць якаснае кандыцыйнае насенне і рэалізоўваць яго сельгасарганізацыям, узамен атрымліваць фуражнае збожжа. Гэта і зернесушыльны комплекс у Слаўгарадзе магутнасцю 100 т у гадзіну, які дасць магчымасць павялічыць аб'ёмы па прыёмцы збожжа і, адпаведна, атрымаць эканоміку ў лагістыцы збожжа".-0-
Фота Алега Файніцкага
Падпісвайцеся на нас у
