28 лістапада, Мінск /Кар. БЕЛТА/. Надзвычайны і Паўнамоцны Пасол Беларусі ва Узбекістане Леанід Марыніч сустрэўся з намеснікам міністра замежных спраў Рэспублікі Узбекістан Бахрамжонам Алоевым. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
На перагаворах было абмеркавана шырокае кола тэм беларуска-ўзбекскага палітычнага дыялогу. Бакі акцэнтавалі ўвагу на рэалізацыі дамоўленасцей, дасягнутых на вышэйшым узроўні, актывізацыі супрацоўніцтва ў галіне адукацыі, медыцыны і культурна-гуманітарнай сферы, развіцці міжпарламенцкіх сувязей і міжрэгіянальных кантактаў, узаемадзеянні ў рамках шматбаковых міжнародных арганізацый. Акрамя таго, былі намечаны планы па маючых адбыцца сумесных мерапрыемствах і сустрэчах.
Бакі адзначылі дадатную дынаміку гандлёва-эканамічнага супрацоўніцтва і выказалі зацікаўленасць у далейшым нарошчванні ўзаемнага тавараабароту, а таксама рэалізацыі сумесных беларуска-ўзбекскіх інвестыцыйных праектаў.-0-
