19 сакавіка, Мінск /Кар. БЕЛТА/. За заключэннем дагавораў на перавозку пасажыраў у рэгулярных зносінах звярнуліся 150 перавозчыкаў, паведамілі карэспандэнту БЕЛТА ў прэс-службе Міністэрства транспарту і камунікацый.
"Ад перавозчыкаў, якія раней ажыццяўлялі аўтамабільныя перавозкі пасажыраў у нерэгулярных зносінах, у адрас мясцовых выканаўчых і распарадчых органаў і аператараў аўтамабільных перавозак пасажыраў паступіла 150 заяў на прадастаўленне часовага права (да правядзення конкурсаў па пэўных маршрутах) на выкананне міжгародніх перавозак пасажыраў у рэгулярных зносінах па 102 маршрутах", - растлумачылі ў міністэрстве.
Пры гэтым па 34 заявах ужо заключаны дагаворы, згодна з якім 151 транспартны сродак можа працаваць на 21 маршруце.
Як паведамлялася, у Гродзенскай вобласці 17 прыватным перавозчыкам выдадзены дазволы на работу больш як па 50 маршрутах. У Магілёўскай вобласці 11 прыватных перавозчыкаў звярнуліся да заказчыкаў, якімі з'яўляюцца мясцовыя распарадчыя і выканаўчыя органы ўлады (у вобласці пакуль не вызначаны адзіны аператар перавозак), з заявамі аб пераходзе ў легальны рэжым работы. Акрамя таго, "Брэстгартранс" выдаў сем дазволаў прыватным перавозчыкам на ажыццяўленне рэгулярных рэйсаў у міжгародніх зносінах. Звярнуліся з заявамі аб пераходзе ў легальны рэжым работы і каля 10 прыватных перавозчыкаў у Віцебскай вобласці.
Як паведамлялася, змяненні ў закон "Аб аўтамабільным транспарце і аўтамабільных перавозках", якія прадугледжваюць у тым ліку новыя правілы работы вадзіцеляў маршрутных таксі, уступілі ў сілу 23 студзеня бягучага года. Некаторыя перавозчыкі з 26 лютага паведамлялі аб часовым спыненні сваёй дзейнасці.-0-
