6 сакавіка, Мінск /Кар. БЕЛТА/. Расіяне 11 сакавіка змогуць датэрмінова прагаласаваць на выбарах Прэзідэнта Расійскай Федэрацыі ў шасці гарадах Беларусі. Такая інфармацыя размешчана на інфармацыйна-аналітычным партале Саюзнай дзяржавы, паведамляе БЕЛТА.
"Для зручнасці расійскіх грамадзян, якія пражываюць удалечыні ад выбарчых участкаў, 11 сакавіка 2018 года з 10.00 да 18.00 плануецца арганізаваць датэрміновае выязное галасаванне ў наступных гарадах: Касцюковічы, Мазыр, Маладзечна, Пінск, Светлагорск, Салігорск", - гаворыцца ў паведамленні.
Усяго ў Беларусі на прэзідэнцкіх выбарах у Расіі, якія пройдуць 18 сакавіка, будзе створана 13 выбарчых участкаў, аб чым інфармуе сайт пасольства Расіі ў Беларусі. Выбарчыя ўчасткі адкрыюцца ў 8.00 і прадоўжаць сваю работу да 20.00.
Грамадзяне Расіі, якія пастаянна пражываюць або часова знаходзяцца на тэрыторыі Беларусі, у дзень выбараў змогуць прагаласаваць у шэрагу гарадоў:
- Мінск, вул. Нававіленская, 1А, пасольства Расіі (участак нумар 8042);
- Брэст, вул. Пушкінская, 10, генконсульства Расіі (участак нумар 8043);
- Гродна, вул. Парыжскай Камуны, 3, Гродзенская гарадская гімназія (участак нумар 8044);
- Віцебск, вул. Маякоўскага, 1, цэнтр культуры "Віцебск" (участак нумар 8045);
- Гомель, вул. Ланге, 17, грамадска-культурны цэнтр (участак нумар 8046);
- Магілёў, вул. Ленінская, 61, ліцэй Беларуска-Расійскага ўніверсітэта (участак нумар 8047);
- Клецк-2, пас. Азярэчча, клуб пры вайсковай часці Міністэрства абароны Расіі (участак нумар 8048);
- Бабруйск, вул. Сацыялістычная, 105, абласны тэатр драмы і камедыі імя В.І.Дуніна-Марцінкевіча (участак нумар 8049);
- Астравец, вул. Усходняя, 18А, інфармацыйны цэнтр Беларускай АЭС (участак нумар 8377);
- Барысаў, вул. Чапаева, 3, цэнтральная раённая бібліятэка імя І.Х.Каладзеева (участак нумар 8395);
- Баранавічы, вул. Леніна, 4, гарадскі Дом культуры (участак нумар 8385);
- Орша, вул. Леніна, 41, гімназія нумар 2 (участак нумар 8433);
- Полацк, вул. Гогаля, 15, Дом культуры (участак нумар 8411).
У галасаванні змогуць прыняць удзел выбаршчыкі, якія дасягнулі 18-гадовага ўзросту, прад'явілі дакумент, што засведчвае асобу грамадзяніна Расійскай Федэрацыі. Пасведчанне на права жыхарства падставай для ўдзелу ў галасаванні не з'яўляецца.-0-
