Фота з архіва
5 снежня, Мінск /Кар. БЕЛТА/. У гандбольнай Лізе чэмпіёнаў завяршыліся сустрэчы дзясятага тура папярэдняга этапу, паведамляе карэспандэнт БЕЛТА.
У групе А польскі "Кельцы" перамог у гасцях французскі "Нант" з лікам 33:29. Беларускі разыгрываючы польскай каманды Арцём Каралёк вызначыўся тры разы і цяпер у яго актыве 41 гол. Лідары гэтай групы гандбалісты "Берліна" пасля дзевяці вікторый прайгралі нарвежскаму "Кольстаду" - 24:28. Венгерскі "Веспрэм" перамог на сваёй пляцоўцы лісабонскі "Спортынг" - 32:31. Да гэтага бухарэсцкае "Дынама" ўступіла ў румынскай сталіцы дацкаму "Ольбаргу" - 27:30. Становішча каманд: "Берлін" - 18 ачкоў, "Ольбарг" - 17, "Веспрэм" - 12, "Спортынг" - 10, "Кельцы" - 9, "Нант" - 8, "Кольстад" - 4, "Дынама" - 2.
Польская "Вісла" з беларусам Кірылам Самойлам у складзе нечакана ўступіла ў Плоцку дацкаму "Гудме" - 34:35. Лідар групы В нямецкі "Магдэбург" прадоўжыў пераможную серыю да дзесяці вікторый, абыграўшы на сваёй арэне венгерскі "Пік" з Сегеда - 40:32. Раней харвацкі "Заграб" пасля дзевяці паражэнняў запар здабыў першую вікторыю, абыграўшы ў сябе дома паўночнамакедонскі "Еўрафарм Пелістэр" з Біталы - 27:23. Беларускі разыгрываючы "Заграба" Ігар Бяляўскі вызначыўся чатыры разы і цяпер на яго рахунку 44 галы. Гандбалісты іспанскай "Барселоны" перамаглі французскі "Пары Сен-Жэрмен" - 38:33. Становішча каманд пасля 10 тураў: "Магдэбург" - 20 ачкоў, "Барселона" - 18, "Вісла" - 12, "Пік" - 10, "Гудме" - 8, "Пары Сен-Жэрмэн" - 6, "Еўрафарм Пелістэр" - 4, "Заграб" - 2.
Папярэдні этап чэмпіёнскай Лігі завершыцца 12 сакавіка 2026 года, пасля чаго па дзве лепшыя каманды з кожнай групы атрымаюць прамыя пуцёўкі ў чвэрцьфінал. Клубы, якія зоймуць 3-6-я месцы, правядуць стыкавыя паядынкі за выхад у 1/4 фіналу. Вырашальны этап ЛЧ пройдзе 13-14 чэрвеня ў Кёльне. У мінулым сезоне гандбалісты "Магдэбурга" пяты раз заваявалі Кубак еўрапейскіх чэмпіёнаў, абыграўшы ў фінале "Берлін" з лікам 32:26. Часцей за іншых гэты трафей выйгравалі гандбалісты "Барселоны", у актыве якіх 12 перамог. Мінскі СКА тройчы станавіўся пераможцам галоўнага кантынентальнага клубнага турніру (1987, 1989, 1990).-0-
У групе А польскі "Кельцы" перамог у гасцях французскі "Нант" з лікам 33:29. Беларускі разыгрываючы польскай каманды Арцём Каралёк вызначыўся тры разы і цяпер у яго актыве 41 гол. Лідары гэтай групы гандбалісты "Берліна" пасля дзевяці вікторый прайгралі нарвежскаму "Кольстаду" - 24:28. Венгерскі "Веспрэм" перамог на сваёй пляцоўцы лісабонскі "Спортынг" - 32:31. Да гэтага бухарэсцкае "Дынама" ўступіла ў румынскай сталіцы дацкаму "Ольбаргу" - 27:30. Становішча каманд: "Берлін" - 18 ачкоў, "Ольбарг" - 17, "Веспрэм" - 12, "Спортынг" - 10, "Кельцы" - 9, "Нант" - 8, "Кольстад" - 4, "Дынама" - 2.
Польская "Вісла" з беларусам Кірылам Самойлам у складзе нечакана ўступіла ў Плоцку дацкаму "Гудме" - 34:35. Лідар групы В нямецкі "Магдэбург" прадоўжыў пераможную серыю да дзесяці вікторый, абыграўшы на сваёй арэне венгерскі "Пік" з Сегеда - 40:32. Раней харвацкі "Заграб" пасля дзевяці паражэнняў запар здабыў першую вікторыю, абыграўшы ў сябе дома паўночнамакедонскі "Еўрафарм Пелістэр" з Біталы - 27:23. Беларускі разыгрываючы "Заграба" Ігар Бяляўскі вызначыўся чатыры разы і цяпер на яго рахунку 44 галы. Гандбалісты іспанскай "Барселоны" перамаглі французскі "Пары Сен-Жэрмен" - 38:33. Становішча каманд пасля 10 тураў: "Магдэбург" - 20 ачкоў, "Барселона" - 18, "Вісла" - 12, "Пік" - 10, "Гудме" - 8, "Пары Сен-Жэрмэн" - 6, "Еўрафарм Пелістэр" - 4, "Заграб" - 2.
Папярэдні этап чэмпіёнскай Лігі завершыцца 12 сакавіка 2026 года, пасля чаго па дзве лепшыя каманды з кожнай групы атрымаюць прамыя пуцёўкі ў чвэрцьфінал. Клубы, якія зоймуць 3-6-я месцы, правядуць стыкавыя паядынкі за выхад у 1/4 фіналу. Вырашальны этап ЛЧ пройдзе 13-14 чэрвеня ў Кёльне. У мінулым сезоне гандбалісты "Магдэбурга" пяты раз заваявалі Кубак еўрапейскіх чэмпіёнаў, абыграўшы ў фінале "Берлін" з лікам 32:26. Часцей за іншых гэты трафей выйгравалі гандбалісты "Барселоны", у актыве якіх 12 перамог. Мінскі СКА тройчы станавіўся пераможцам галоўнага кантынентальнага клубнага турніру (1987, 1989, 1990).-0-
Падпісвайцеся на нас у
