17 красавіка, Мінск /Кар. БЕЛТА/. Прэм'ера нацыянальнага фільма "Чарнобыль. Жывая зямля" прайшла ў кінатэатры "Масква", перадае карэспандэнт БЕЛТА.
"Наш фільм - спроба прасачыць, што было зроблена за гэтыя 40 гадоў на забруджаных тэрыторыях, - адзначыў дырэктар студыі "Летапіс" Нацыянальнай кінастудыі "Беларусьфільм" Уладзімір Мілаш. - Мы пакажам, як гэтыя землі, якія былі забруджаны радыяцыяй і якія пакінулі людзі, цяпер адраджаюцца: на іх пабудаваны прадпрыемствы, там жывуць людзі. Гэты фільм - гімн чалавечай стойкасці, сіле духу і волі нашага народа. Фільм аб тым, што мы, беларусы, ніколі не здаёмся. І як бы нам ні было цяжка, мы змагаемся за нашу будучыню".
"Для ліквідатараў гэты фільм - памяць, - расказаў намеснік старшыні праўлення Беларускага рэспубліканскага грамадскага аб'яднання ліквідатараў і інвалідаў Чарнобыльскай катастрофы "Ветэраны Чарнобыля" Сяргей Шалькевіч. - А маладому пакаленню ён дэманструе, як дзяржава адраджае не на словах, а на справе гэтыя тэрыторыі".
Як адзначыла начальнік Дзяржатамнагляду Вольга Лугаўская, цяпер гэтыя тэрыторыі развіваюцца гэтак жа, як і ўсе іншыя тэрыторыі Беларусі. "Дзяржава зрабіла вельмі шмат для таго, каб забяспечыць вытворчасць чыстай прадукцыі і даць людзям магчымасць атрымліваць задавальненне ад жыцця і працаваць. Мы выконваем мерапрыемствы па радыяцыйным кантролі і вырашэнні навуковых праблем для таго, каб правільна кіраваць гэтымі тэрыторыямі ў будучым", - дадала яна.
У аснове карціны - успаміны ліквідатараў, вучоных, мясцовых жыхароў і відавочцаў. Паказы фільма "Чарнобыль. Жывая зямля" пройдуць па ўсёй краіне.-0-
"Наш фільм - спроба прасачыць, што было зроблена за гэтыя 40 гадоў на забруджаных тэрыторыях, - адзначыў дырэктар студыі "Летапіс" Нацыянальнай кінастудыі "Беларусьфільм" Уладзімір Мілаш. - Мы пакажам, як гэтыя землі, якія былі забруджаны радыяцыяй і якія пакінулі людзі, цяпер адраджаюцца: на іх пабудаваны прадпрыемствы, там жывуць людзі. Гэты фільм - гімн чалавечай стойкасці, сіле духу і волі нашага народа. Фільм аб тым, што мы, беларусы, ніколі не здаёмся. І як бы нам ні было цяжка, мы змагаемся за нашу будучыню".
"Для ліквідатараў гэты фільм - памяць, - расказаў намеснік старшыні праўлення Беларускага рэспубліканскага грамадскага аб'яднання ліквідатараў і інвалідаў Чарнобыльскай катастрофы "Ветэраны Чарнобыля" Сяргей Шалькевіч. - А маладому пакаленню ён дэманструе, як дзяржава адраджае не на словах, а на справе гэтыя тэрыторыі".
Як адзначыла начальнік Дзяржатамнагляду Вольга Лугаўская, цяпер гэтыя тэрыторыі развіваюцца гэтак жа, як і ўсе іншыя тэрыторыі Беларусі. "Дзяржава зрабіла вельмі шмат для таго, каб забяспечыць вытворчасць чыстай прадукцыі і даць людзям магчымасць атрымліваць задавальненне ад жыцця і працаваць. Мы выконваем мерапрыемствы па радыяцыйным кантролі і вырашэнні навуковых праблем для таго, каб правільна кіраваць гэтымі тэрыторыямі ў будучым", - дадала яна.
У аснове карціны - успаміны ліквідатараў, вучоных, мясцовых жыхароў і відавочцаў. Паказы фільма "Чарнобыль. Жывая зямля" пройдуць па ўсёй краіне.-0-
Фота Таццяны Матусевіч
Падпісвайцеся на нас у
