ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -10°C
Усе навіны
Усе навіны
Спорт
08 снежня 2022, 11:54

Гандбалісты "Кельцы" з Арцёмам Каральком выйшлі ў лідары групы В Лігі чэмпіёнаў

Фота з архіва
Фота з архіва

8 снежня, Мінск /Кар. БЕЛТА/. Беларускі гандбаліст Арцём Каралёк дапамог польскаму "Кельцы" падняцца на першае месца ў групе В Лігі чэмпіёнаў, паведамляе карэспандэнт БЕЛТА.

У паядынку 9-га тура чэмпіёны Польшчы перайгралі ў венгерскім Сегедзе мясцовы "Пік" з рэзультатам 31:28. Госці адразу ўзялі ініцыятыву ў свае рукі і за ўсю гульню ні разу не далі магчымасці сапернікам выйсці наперад. Арцём Каралёк двойчы паразіў вароты гаспадароў, усяго ў яго актыве 27 мячоў у гэтым сезоне чэмпіёнскай Лігі. Пасля гэтага поспеху "Кельцы" выйшаў на першае месца ў групе В. Другую вікторыю атрымаў славенскі "Цэле", атрымаўшы перамогу на сваёй арэне над нарвежскім "Эльверумам" з лікам 29:26. Яшчэ два матчы адбудуцца сёння. Іспанская "Барселона" прыме ў сябе дома дацкі "Ольбарг", а нямецкі "Кіль" будзе сапернічаць з гасцямі з французскага "Нанта". Турнірнае становішча цяпер такое: "Кельцы" - 16 (9),"Барселона" - 15 ачкоў (8 матчаў), "Нант" - 12 (8), "Ольбарг" - 7 (8), "Кіль" - 6 (8), "Пік" - 6 (9), "Цэле" - 4 (9), "Эльверум" - 2 (9).

Лідар папярэдняй групы А французскі "Пары Сен-Жэрмен" абыграў на выездзе аўтсайдара партугальскі "Порту" - 35:33. Пасля першай палавіны сустрэчы парыжане ўступалі адзін мяч - 16:17, але пасля перапынку змянілі ход паядынку і ў выніку выйгралі з перавагай два галы. Гандбалісты нямецкага "Магдэбурга" ў сябе дома перамаглі дацкі ГОГ з лікам 36:34. Сёння венгерскі "Веспрэм" з беларусам Мікітам Вайлупавым у складзе згуляе на сваёй пляцоўцы з польскай "Віслай" з Плоцка. У папярэдніх сустрэчах цяперашняга сезона чэмпіёнскай Лігі Мікіта Вайлупаў закінуў 12 мячоў. У румынскай сталіцы бухарэсцкае "Дынама" сустрэнецца з харвацкім "Заграбам". Становішча каманд: "Пары Сен-Жэрмен" - 16 (9), "Веспрэм" - 13 (8), "Магдэбург" - 12 (9), "Дынама" - 9 (8), ГОГ - 7 (9), "Вісла" - 5 (8), "Заграб" - 5 (8), "Порту" - 1 (9).

Групавы этап фінішуе ў сакавіку 2023 года, пасля чаго па 6 лепшых каманд выйдуць у плэй-оф. "Фінал чатырох" чэмпіёнскай Лігі пройдзе 17-18 чэрвеня ў нямецкім Кёльне. У вырашальным паядынку мінулага сезона "Барселона" перамагла "Кельцы" ў серыі пасляматчавых пенальці, выйграўшы галоўны кантынентальны турнір 11-ы раз. Арцём Каралёк быў прызнаны лепшым іграком "Фіналу чатырох".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі