Фота з архіва
17 верасня, Мінск /Кар. БЕЛТА/. Першыя паядынкі турніру развіцця УЕФА сярод футбалістаў не старэйшых за 15 гадоў адбудуцца сёння ў Мінску, паведамляе карэспандэнт БЕЛТА.
У стартавым матчы юнацкая зборная Расіі сустрэнецца з камандай Сербіі (пачатак гульні ў 12.00), а потым зборная Беларусі пад кіраўніцтвам Рамана Марозава будзе сапернічаць з равеснікамі з Турцыі (пачатак гульні ў 15.00). У другі гульнявы дзень, 19 верасня, таксама адбудуцца дзве сустрэчы: Турцыя - Сербія (12.00), Беларусь - Расія (15.00). У нядзелю, 21 верасня, беларусы сустрэнуцца з сербамі (15.00), а 22 верасня ў заключным паядынку спаборніцтваў у беларускай сталіцы расіяне згуляюць з туркамі (11.00). Усе сустрэчы пройдуць на комплексе футбольных палёў асацыяцыі "Беларуская федэрацыя футбола" ў Вяснянцы, уваход на трыбуны свабодны.
У канцы гэтага тыдня дзявочая зборная Беларусі (U-15) пачне выступленне на такім жа турніры ў Сербіі. У першым матчы падапечныя Таццяны Кіёсе згуляюць з сербскімі равесніцамі (21 верасня), затым сустрэнуцца з расіянкамі (23 верасня), а завершаць спаборніцтвы матчам з камандай Чарнагорыі (26 верасня).
Такія міжнародныя юнацкія турніры пад эгідай УЕФА праводзяцца з 2012 года ў рамках праграмы HatTrick. Беларусь упершыню прыняла такія спаборніцтвы ў 2013 годзе. Цяпер у турнірах развіцця прымаюць удзел юнакі і дзяўчаты з усіх 55 нацыянальных футбольных асацыяцый, якія ўваходзяць ва УЕФА.-0-
У стартавым матчы юнацкая зборная Расіі сустрэнецца з камандай Сербіі (пачатак гульні ў 12.00), а потым зборная Беларусі пад кіраўніцтвам Рамана Марозава будзе сапернічаць з равеснікамі з Турцыі (пачатак гульні ў 15.00). У другі гульнявы дзень, 19 верасня, таксама адбудуцца дзве сустрэчы: Турцыя - Сербія (12.00), Беларусь - Расія (15.00). У нядзелю, 21 верасня, беларусы сустрэнуцца з сербамі (15.00), а 22 верасня ў заключным паядынку спаборніцтваў у беларускай сталіцы расіяне згуляюць з туркамі (11.00). Усе сустрэчы пройдуць на комплексе футбольных палёў асацыяцыі "Беларуская федэрацыя футбола" ў Вяснянцы, уваход на трыбуны свабодны.
У канцы гэтага тыдня дзявочая зборная Беларусі (U-15) пачне выступленне на такім жа турніры ў Сербіі. У першым матчы падапечныя Таццяны Кіёсе згуляюць з сербскімі равесніцамі (21 верасня), затым сустрэнуцца з расіянкамі (23 верасня), а завершаць спаборніцтвы матчам з камандай Чарнагорыі (26 верасня).
Такія міжнародныя юнацкія турніры пад эгідай УЕФА праводзяцца з 2012 года ў рамках праграмы HatTrick. Беларусь упершыню прыняла такія спаборніцтвы ў 2013 годзе. Цяпер у турнірах развіцця прымаюць удзел юнакі і дзяўчаты з усіх 55 нацыянальных футбольных асацыяцый, якія ўваходзяць ва УЕФА.-0-
Падпісвайцеся на нас у
