Фота з архіва
5 красавіка, Мінск /Кар. БЕЛТА/. У цэнтральным апараце Следчага камітэта адбыўся ІІ Рэспубліканскі навукова-практычны семінар аб актуальных пытаннях расследавання злачынстваў мінулых гадоў, арганізаваны ведамаснай установай адукацыі, паведамілі БЕЛТА ў Следчым камітэце.
Удзел у мерапрыемстве прынялі прадстаўнікі Следчага камітэта, Генеральнай пракуратуры, Міністэрства ўнутраных спраў, Дзяржаўнага камітэта судовых экспертыз Рэспублікі Беларусь, а таксама Следчага камітэта Расійскай Федэрацыі. У анлайн-фармаце падключыліся кіраўніцтва і навукова-педагагічны склад Маскоўскай і Санкт-Пецярбургскай акадэмій Следчага камітэта Расіі.
Адкрываючы форум, намеснік старшыні Следчага камітэта Беларусі Сяргей Аземша падкрэсліў: мэтанакіраваная дзейнасць па раскрыцці і расследаванні злачынстваў мінулых гадоў заўсёды будзе ў прыярытэце работы нашага ведамства.
"Несумненна, устанаўленне вінаватых, нават праз шмат гадоў, умацоўвае веру людзей у законнасць і справядлівасць, узмацняе пачуццё абароненасці і ўпэўненасці ў заўтраўшнім дні, дае магчымасць рэалізоўваць канстытуцыйны прынцып няўхільнасці адказнасці, папярэджваць новыя грамадска небяспечныя дзеянні. Дабіцца гэтага магчыма толькі сумеснымі намаганнямі. Шматлікія факты раскрыцця забойстваў, наўмысных цяжкіх цялесных пашкоджанняў, згвалтаванняў, разбояў мінулых гадоў - вынік зладжанай работы следчых, супрацоўнікаў органаў, якія ажыццяўляюць аператыўна-вышуковую дзейнасць, экспертаў і пракурораў", - адзначыў Сяргей Аземша.
Правядзенне тэматычных навукова-практычных семінараў накіравана на пошук новых шляхоў міжведамаснага ўзаемадзеяння, павышэнне навыкаў збору, фіксацыі, захавання і даследавання доказаў, выкарыстання іх для раскрыцця злачынстваў, а таксама даказвання віны асоб, якія ўчынілі злачынствы. Удзельнікі форуму выслухалі даклады і абмяняліся меркаваннямі па тэме семінара.-0-
Удзел у мерапрыемстве прынялі прадстаўнікі Следчага камітэта, Генеральнай пракуратуры, Міністэрства ўнутраных спраў, Дзяржаўнага камітэта судовых экспертыз Рэспублікі Беларусь, а таксама Следчага камітэта Расійскай Федэрацыі. У анлайн-фармаце падключыліся кіраўніцтва і навукова-педагагічны склад Маскоўскай і Санкт-Пецярбургскай акадэмій Следчага камітэта Расіі.
Адкрываючы форум, намеснік старшыні Следчага камітэта Беларусі Сяргей Аземша падкрэсліў: мэтанакіраваная дзейнасць па раскрыцці і расследаванні злачынстваў мінулых гадоў заўсёды будзе ў прыярытэце работы нашага ведамства.
"Несумненна, устанаўленне вінаватых, нават праз шмат гадоў, умацоўвае веру людзей у законнасць і справядлівасць, узмацняе пачуццё абароненасці і ўпэўненасці ў заўтраўшнім дні, дае магчымасць рэалізоўваць канстытуцыйны прынцып няўхільнасці адказнасці, папярэджваць новыя грамадска небяспечныя дзеянні. Дабіцца гэтага магчыма толькі сумеснымі намаганнямі. Шматлікія факты раскрыцця забойстваў, наўмысных цяжкіх цялесных пашкоджанняў, згвалтаванняў, разбояў мінулых гадоў - вынік зладжанай работы следчых, супрацоўнікаў органаў, якія ажыццяўляюць аператыўна-вышуковую дзейнасць, экспертаў і пракурораў", - адзначыў Сяргей Аземша.
Правядзенне тэматычных навукова-практычных семінараў накіравана на пошук новых шляхоў міжведамаснага ўзаемадзеяння, павышэнне навыкаў збору, фіксацыі, захавання і даследавання доказаў, выкарыстання іх для раскрыцця злачынстваў, а таксама даказвання віны асоб, якія ўчынілі злачынствы. Удзельнікі форуму выслухалі даклады і абмяняліся меркаваннямі па тэме семінара.-0-
