22 мая, Мінск /Кар. БЕЛТА/. У выпускнікоў сёння ёсць вялікі выбар атрымання першай спецыяльнасці, заявіў міністр адукацыі Ігар Карпенка ў час сустрэчы з дырэктарамі ўстаноў адукацыі Валожынскага раёна, паведамляе карэспандэнт БЕЛТА.
"І калі хтосьці з абітурыентаў не паступіць у ВНУ, то можна іх пераарыентаваць для атрымання першай прафесіі на ўзровень прафесійна-тэхнічнай адукацыі. Ніхто не павінен застацца без увагі, паколькі выпусціўшыся са школы знайсці работу не так проста, - сказаў Ігар Карпенка. - Сістэма прафтэхадукацыі дазваляе прымяніць гібкі графік прыёму абітурыентаў. Усё гэта дасць магчымасць ахапіць максімальную колькасць выпускнікоў".
Міністр таксама нагадаў, што ў гэтым годзе ЦТ адбудзецца крыху пазней. Яно стартуе 25 чэрвеня і будзе праходзіць у адпаведнасці з патрабаваннямі і рэкамендацыямі Міністэрства аховы здароўя.-0-