6 лістапада, Мінск /Кар. БЕЛТА/. Міліцыя просіць не паддавацца на правакацыі ў сацыяльных сетках, дзе заклікаюць да ўдзелу ў несанкцыянаваных акцыях, паведамілі БЕЛТА ў ГУУС Мінгарвыканкама.
"Сталічная міліцыя чарговы раз заклікае суайчыннікаў не паддавацца на правакацыі ў розных сацсетках і мэсэнджарах, дзе актыўна размяшчаюцца заклікі да ўдзелу ў несанкцыянаваных мерапрыемствах, а таксама паведамленні і відэаролікі, якія дыскрэдытуюць праваахоўныя органы. Звяртаем увагу на тое, што спыненне грамадскіх беспарадкаў - гэта не права, а абавязак супрацоўнікаў органаў унутраных спраў", - гаворыцца ў паведамленні.
Як адзначылі ў ведамстве, умешвацца ў дзейнасць прадстаўнікоў дзяржаўных органаў, якія забяспечваюць грамадскі парадак пры правядзенні мерапрыемстваў, незаконна. Акрамя таго, праваахоўнікі нагадалі: за ўдзел, арганізацыю і падрыхтоўку дзеянняў, якія груба парушаюць грамадскі парадак (у тым ліку перакрыццё дарожнага руху) прадугледжана як адміністрацыйная, так і крымінальная адказнасць.-0-
