Павел Алекса. Фота з архіва
20 мая, Мінск /Кар. БЕЛТА/. Прапануем моладзі ў студатрадах самыя цікавыя віды работ з добрымі ўмовамі працы. Аб гэтым журналістам паведаміў сакратар ЦК ГА "БРСМ", старшыня Рэспубліканскага саюза грамадскіх аб'яднанняў "Беларускі камітэт маладзёжных арганізацый" Павел Алекса, перадае карэспандэнт БЕЛТА.
"Па выніках 2023 года БРСМ працаўладкаваў у студэнцкіх атрадах больш за 50 тыс. чалавек, а гэта звыш 3 тыс. атрадаў. У гэтым годзе таксама плануем трымаць лічбу на дастойным узроўні і прапануем юнакам і дзяўчатам самыя цікавыя віды работ з добрымі ўмовамі працы. У нас фарміруецца пералік атрадаў, якія прапануюць свае месцы для працаўладкавання. Цяпер у ім знаходзіцца амаль 1,8 тыс. аб'ектаў на 47 тыс. рабочых месцаў. Гэты спіс можа дапаўняцца і актуалізавацца. Каля 680 дагавораў ужо заключана. Гэта значыць, што юнакі і дзяўчаты працуюць ужо, нягледзячы на тое, што працоўны семестр пачынаецца ў другой палавіне чэрвеня пасля летняй сесіі", - расказаў Павел Алекса.
Ён адзначыў, што цяпер ва ўстановах адукацыі актыўна ідзе праект "Выбіраем студатрад". "Ва ўстановах адукацыі адзін дзень у тыдзень прысвечаны магчымасці штосьці даведацца аб студатрадах, запісацца ў той, які спадабаўся, даведацца, якія дакументы патрэбны для афармлення на работу, дзе і як прайсці адпаведныя інструктажы. Па стане на 20 мая заяўкі на работу ў студэнцкіх атрадах падалі 23,5 тыс. чалавек. Для маладых людзей гэта, вядома, вялікая падмога, магчымасць паспрабаваць сябе ў той ці іншай прафесіі, набыць новых сяброў, новыя знаёмствы і атрымаць новы вопыт", - канстатаваў сакратар БРСМ.
Студэнцкія атрады працуюць і за межамі Беларусі. "Характэрна гэта ў большай ступені для педагагічных атрадаў, маладыя людзі выязджаюць у якасці выхавальнікаў у аздараўленчыя лагеры або ў дамы адпачынку Расіі. Як правіла, гэта Краснадарскі край - там, дзе мора, цёпла. Таму ў іх з'яўляецца магчымасць не толькі папрацаваць, але і адпачыць. Таксама гэта могуць зрабіць і байцы сэрвісных атрадаў, якія працуюць прыбіральшчыкамі, пакаёўкамі, садоўнікамі, працуюць на кухні. Спектр даволі вялікі, для кожнага знойдзецца магчымасць правесці лета з карысцю", - рэзюмаваў Павел Алекса.-0-
"Па выніках 2023 года БРСМ працаўладкаваў у студэнцкіх атрадах больш за 50 тыс. чалавек, а гэта звыш 3 тыс. атрадаў. У гэтым годзе таксама плануем трымаць лічбу на дастойным узроўні і прапануем юнакам і дзяўчатам самыя цікавыя віды работ з добрымі ўмовамі працы. У нас фарміруецца пералік атрадаў, якія прапануюць свае месцы для працаўладкавання. Цяпер у ім знаходзіцца амаль 1,8 тыс. аб'ектаў на 47 тыс. рабочых месцаў. Гэты спіс можа дапаўняцца і актуалізавацца. Каля 680 дагавораў ужо заключана. Гэта значыць, што юнакі і дзяўчаты працуюць ужо, нягледзячы на тое, што працоўны семестр пачынаецца ў другой палавіне чэрвеня пасля летняй сесіі", - расказаў Павел Алекса.
Ён адзначыў, што цяпер ва ўстановах адукацыі актыўна ідзе праект "Выбіраем студатрад". "Ва ўстановах адукацыі адзін дзень у тыдзень прысвечаны магчымасці штосьці даведацца аб студатрадах, запісацца ў той, які спадабаўся, даведацца, якія дакументы патрэбны для афармлення на работу, дзе і як прайсці адпаведныя інструктажы. Па стане на 20 мая заяўкі на работу ў студэнцкіх атрадах падалі 23,5 тыс. чалавек. Для маладых людзей гэта, вядома, вялікая падмога, магчымасць паспрабаваць сябе ў той ці іншай прафесіі, набыць новых сяброў, новыя знаёмствы і атрымаць новы вопыт", - канстатаваў сакратар БРСМ.
Студэнцкія атрады працуюць і за межамі Беларусі. "Характэрна гэта ў большай ступені для педагагічных атрадаў, маладыя людзі выязджаюць у якасці выхавальнікаў у аздараўленчыя лагеры або ў дамы адпачынку Расіі. Як правіла, гэта Краснадарскі край - там, дзе мора, цёпла. Таму ў іх з'яўляецца магчымасць не толькі папрацаваць, але і адпачыць. Таксама гэта могуць зрабіць і байцы сэрвісных атрадаў, якія працуюць прыбіральшчыкамі, пакаёўкамі, садоўнікамі, працуюць на кухні. Спектр даволі вялікі, для кожнага знойдзецца магчымасць правесці лета з карысцю", - рэзюмаваў Павел Алекса.-0-
