Фота з архіва
5 красавіка, Мінск /Кар. БЕЛТА/. Дэпутаты парламента павінны быць адной камандай, заявіў журналістам дэпутат Палаты прадстаўнікоў Алег Гайдукевіч, перадае карэспандэнт БЕЛТА.
На пасяджэнні першай сесіі Палаты прадстаўнікоў Нацыянальнага сходу восьмага склікання дэпутаты прадоўжылі работу над фарміраваннем рабочых органаў Палаты прадстаўнікоў. У прыватнасці, сфарміраваны склад пастаянных камісій Палаты прадстаўнікоў. Акрамя таго, на пасяджэнні зацверджаны намеснікі старшынь пастаянных камісій. Так, Алег Гайдукевіч зацверджаны намеснікам старшыні Пастаяннай камісіі па міжнародных справах.
"Дэпутаты павінны жорстка адстойваць інтарэсы краіны і за мяжой, і ўнутры краіны. Гэта значыць, мы заўсёды павінны адстойваць нацыянальныя інтарэсы. На гэта ўсё нацэлена. Пры гэтым каб гэта было эфектыўна, каб была адна каманда. У парламенце розныя партыі, розныя грамадскія арганізацыі, розныя ў людзей меркаванні, але пры гэтым мы павінны працаваць як адна каманда. Вось гэта была асноўная задача пры фарміраванні камісій", - сказаў Алег Гайдукевіч.
Беларусь ніколі не адмаўлялася ад дыялогу. "Гэта міф, што ўдалося ізаляваць Беларусь і Расію. Не атрымалася. Парламент наведвае вялікая колькасць гасцей з усяго свету, уключаючы еўрапейскія краіны. Ідзе работа не толькі па дэпутацкай лініі, але і па партыйнай. Па партыйнай лініі ўжо запрошаны і ідзе вялікая колькасць дэлегацый: Германія, Аўстрыя, Францыя, Блізкі Усход, Афрыка. І гэта работа будзе ўзмацняцца, - адзначыў дэпутат. - Мы не адмаўляемся выступаць нідзе. Здавалася б, ААН вельмі дыскрэдытавала сябе, але мы будзем там выступаць, адстойваць свой пункт гледжання, каб голас Беларусі гучаў".
"Пазіцыю нашага Прэзідэнта падтрымліваюць многія краіны, яны паўтараюць тое, што Аляксандр Лукашэнка гаварыў 5-10 гадоў таму. Значыць, мы будзем, па-першае, усюды выступаць. А, па-другое, за гэтыя гады пасля санкцый наш міжнародны аўтарытэт вырас. Таму што колькасць краін, якія хочуць з намі супрацоўнічаць, узрасла. У Еўропе вялікая колькасць людзей, што хочуць выбудоўваць з намі нармальныя чалавечыя ўзаемаадносіны. А мы ад гэтага ніколі не адмовімся", - канстатаваў Алег Гайдукевіч.-0-
На пасяджэнні першай сесіі Палаты прадстаўнікоў Нацыянальнага сходу восьмага склікання дэпутаты прадоўжылі работу над фарміраваннем рабочых органаў Палаты прадстаўнікоў. У прыватнасці, сфарміраваны склад пастаянных камісій Палаты прадстаўнікоў. Акрамя таго, на пасяджэнні зацверджаны намеснікі старшынь пастаянных камісій. Так, Алег Гайдукевіч зацверджаны намеснікам старшыні Пастаяннай камісіі па міжнародных справах.
"Дэпутаты павінны жорстка адстойваць інтарэсы краіны і за мяжой, і ўнутры краіны. Гэта значыць, мы заўсёды павінны адстойваць нацыянальныя інтарэсы. На гэта ўсё нацэлена. Пры гэтым каб гэта было эфектыўна, каб была адна каманда. У парламенце розныя партыі, розныя грамадскія арганізацыі, розныя ў людзей меркаванні, але пры гэтым мы павінны працаваць як адна каманда. Вось гэта была асноўная задача пры фарміраванні камісій", - сказаў Алег Гайдукевіч.
Беларусь ніколі не адмаўлялася ад дыялогу. "Гэта міф, што ўдалося ізаляваць Беларусь і Расію. Не атрымалася. Парламент наведвае вялікая колькасць гасцей з усяго свету, уключаючы еўрапейскія краіны. Ідзе работа не толькі па дэпутацкай лініі, але і па партыйнай. Па партыйнай лініі ўжо запрошаны і ідзе вялікая колькасць дэлегацый: Германія, Аўстрыя, Францыя, Блізкі Усход, Афрыка. І гэта работа будзе ўзмацняцца, - адзначыў дэпутат. - Мы не адмаўляемся выступаць нідзе. Здавалася б, ААН вельмі дыскрэдытавала сябе, але мы будзем там выступаць, адстойваць свой пункт гледжання, каб голас Беларусі гучаў".
"Пазіцыю нашага Прэзідэнта падтрымліваюць многія краіны, яны паўтараюць тое, што Аляксандр Лукашэнка гаварыў 5-10 гадоў таму. Значыць, мы будзем, па-першае, усюды выступаць. А, па-другое, за гэтыя гады пасля санкцый наш міжнародны аўтарытэт вырас. Таму што колькасць краін, якія хочуць з намі супрацоўнічаць, узрасла. У Еўропе вялікая колькасць людзей, што хочуць выбудоўваць з намі нармальныя чалавечыя ўзаемаадносіны. А мы ад гэтага ніколі не адмовімся", - канстатаваў Алег Гайдукевіч.-0-
