21 лютага, Мінск /Кар. БЕЛТА/. За дзень да пачатку датэрміновага галасавання камісіямі па рэферэндуме акрэдытаваны 44 296 нацыянальных наглядальнікаў і 131 міжнародны наглядальнік. Аб гэтым БЕЛТА паведамілі ў ЦВК.
Большасць наглядальнікаў (31 644) прадстаўляюць грамадскія аб'яднанні: прафесійныя саюзы, якія ўваходзяць у ФПБ (9439), БРСМ (5017), "Белая Русь" (4963), "Беларускі саюз жанчын" (4235).
Палітычныя партыі накіравалі ў камісіі па рэферэндуме 2087 наглядальнікаў, большасць з іх (1222) ад Камуністычнай партыі Беларусі.
Працоўныя калектывы накіравалі 6312 наглядальнікаў, грамадзяне - 6953.
Што датычыцца міжнародных наглядальнікаў, то 116 прадстаўляюць Місію наглядальнікаў ад СНД, у тым ліку 36 накіраваны Міжпарламенцкай асамблеяй дзяржаў - удзельніц СНД, таксама 12 наглядальнікаў акрэдытаваны ад Цэнтральных выбарчых органаў Азербайджана, Арменіі, Расіі, Кыргызстана, Таджыкістана, Узбекістана, Казахстана, 3 - ад Шанхайскай арганізацыі супрацоўніцтва.
Працэс накіравання наглядальнікаў прадаўжаецца.-0-
