ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Ясна +19°C
Усе навіны
Усе навіны
Прэзідэнт
13 ліпеня 2020, 12:16

Лукашэнка адкрыў мост цераз раку Сож у Слаўгарадскім раёне

Аляксандр Лукашэнка ў час цырымоніі
Аляксандр Лукашэнка ў час цырымоніі

13 ліпеня, Слаўгарадскі раён /Кар. БЕЛТА/. Прэзідэнт Беларусі Аляксандр Лукашэнка ва ўрачыстай абстаноўцы адкрыў мост цераз раку Сож у Слаўгарадскім раёне Магілёўскай вобласці, перадае карэспандэнт БЕЛТА.

Цырымонія прайшла з удзелам прадстаўнікоў працоўных калектываў дарожна-будаўнічых арганізацый, задзейнічаных ва ўзвядзенні моста, і жыхароў Слаўгарадскага раёна.

Кіраўнік дзяржавы падкрэсліў асаблівае значэнне моста перш за ўсё для тых, хто пражывае ў Краснапольскім і Слаўгарадскім раёнах Магілёўскай вобласці. Яны чакалі гэтага будаўніцтва некалькі дзесяцігоддзяў, з той пары як яшчэ ў савецкі час з'явілася ідэя ўзнікнення моста, але яе рэалізацыя была адкладзена з-за аварыі на Чарнобыльскай АЭС.

Лукашэнка: у наступнай пяцігодцы праграма па развіцці паўднёвага ўсходу Магілёўскай вобласці павінна быць рэалізаванаЛукашэнка: у наступнай пяцігодцы праграма па развіцці паўднёвага ўсходу Магілёўскай вобласці павінна быць рэалізавана
"Калі мы рэалізуем праграму па развіцці гэтага рэгіёна, Магілёўская вобласць будзе жыць. Там і інвестыцыі добрыя, і льготы нядрэнныя. І людзі едуць сюды, - сказаў беларускі лідар.

"Мы цяпер увасобілі яе ў жыццё. Жыхары левабярэжжа спакойна могуць перамяшчацца на правы бераг, не аб'язджаючы праз 120-130 км, - адзначыў Прэзідэнт. - Мы палепшылі лагістыку, пабудаваўшы гэты мост, зрабілі вам добры падарунак".

Кіраўнік дзяржавы падзяліўся асабістымі ўспамінамі аб рабоце ў рэгіёне ў той час, калі ён займаў пасаду намесніка дырэктара камбіната будаўнічых матэрыялаў у Шклове. Ён расказаў, што часта бываў і ў Слаўгарадзе, добра ведае рэгіён, цэніць працу мясцовых жыхароў, якія сутыкнуліся з вялікімі цяжкасцямі пасля аварыі на Чарнобыльскай АЭС, але змаглі іх пераадолець.

Словы ўдзячнасці Прэзідэнт адрасаваў тым, хто прымаў удзел у будаўніцтве моста, асабліва адзначыўшы іх гаспадарскі падыход да справы: дэманціраваныя фермы моста цераз Сож у Крычаве былі выкарыстаны для ўзвядзення новага моста ў Слаўгарадзе. Магчыма, работы можна было завяршыць хутчэй, але гэта залежала ад фінансавання. На прыкладзе будаўніцтва моста цераз Сож кіраўнік дзяржавы растлумачыў і ход далейшых рэформ у Беларусі. "Рэформы - гэта вось гэта. Наколькі іх будзе мала ці многа, наколькі яны будуць хуткімі, залежыць ад грошай. Таму вы не верце таму, хто будзе гаварыць, што з верталёта стане грошы раскідваць і будаваць амаль кожны год па тысячы мастоў. Такога не будзе ніколі", - падкрэсліў Аляксандр Лукашэнка.

Лукашэнка: у бліжэйшыя тры гады ў Беларусі будзе мадэрнізавана і пабудавана 18 мастоўЛукашэнка: у бліжэйшыя тры гады ў Беларусі будзе мадэрнізавана і пабудавана 18 мастоў
"Мы дамовіліся: у бліжэйшыя тры гады ў Беларусі будзе мадэрнізавана і пабудавана 18 мастоў. Каля $130 млн укласці ў гэта", - адзначыў кіраўнік дзяржавы.

Рака Сож раздзяляе Слаўгарадскі раён на дзве часткі. Да таго як пабудавалі мост, пераправа на левы бераг ракі была ўскладненай як для мясцовых жыхароў, так і для работнікаў сельгасарганізацый, у якіх значныя плошчы сенажацей і пашы знаходзяцца за ракой.

З сярэдзіны мая да лістапада яна ажыццяўлялася па часовым пантонным мосце, які злучаў аўтамабільную дарогу Р140 Слаўгарад - Краснаполле. Жыхарам левабярэжжа даводзілася дабірацца ў Слаўгарад праз Краснаполле і Чэрыкаў, праходзячы шлях 120 км.

Пытанне будаўніцтва моста ўзнікла ў 1984 годзе, тады быў распрацаваны план маставога пераходу. Аднак у сувязі з катастрофай на Чарнобыльскай АЭС работы па праектаванні былі згорнуты. Да ідэі будаўніцтва вярнуліся ў 2007 годзе ў час рэканструкцыі моста цераз Сож у Крычаве. Існуючыя фермы некалькіх пралётаў былі дэманціраваны і ўстаноўлены на захоўванне побач з мостам для выкарыстання ў далейшым пры будаўніцтве моста ў Слаўгарадскім раёне.

У 2017 годзе фермы транспартавалі водным транспартам па рацэ Сож з Крычава на будпляцоўку ў Слаўгарад. Для гэтага ўпершыню ў краіне выкарысталі ўнікальныя тэхналогіі транспарціроўкі і мантажу - пры дапамозе плывучай сістэмы, у склад якой уваходзілі дзве баржы-пляцоўкі, злучаныя паміж сабой. Распрацоўку тэхналогій перамяшчэння і мантаж плывучай сістэмы выконваў філіял "Мостаатрад 425" ААТ "Мостабуд".

Капітальны мост цераз Сож не толькі скароціць перамяшчэнне для жыхароў левабярэжжа, але і значна павялічыць магчымасці для развіцця паўднёва-ўсходняга рэгіёна за кошт паляпшэння лагістыкі. Акрамя таго, з'явіцца магчымасць выхаду на прыгранічныя раёны Расіі.-0-

Лукашэнка ў наступнай пяцігодцы арыентуе на прывядзенне ў парадак дарог мясцовага значэнняЛукашэнка ў наступнай пяцігодцы арыентуе на прывядзенне ў парадак дарог мясцовага значэння
"Без дарог у нас жыцця няма. Гэта і настрой людзей, і эканоміка, і транзіт, на якім мы хочам зарабіць", - падкрэсліў беларускі лідар.

Лукашэнка: пустуючыя ўчасткі ў вёсках трэба задзейнічаць пад развіццё асабістых прысядзібных гаспадаракЛукашэнка: пустуючыя ўчасткі ў вёсках трэба задзейнічаць пад развіццё асабістых прысядзібных гаспадарак
"Трэба задзейнічаць мясцовыя закінутыя прысядзібныя ўчасткі, асабліва ў неперспектыўных вёсках (ды і ў аграгарадках, у раённых цэнтрах хапае яшчэ такіх кавалкаў зямлі), і аддаць людзям пад дачы", - падкрэсліў кіраўнік дзяржавы.

Лукашэнка ў Слаўгарадскім раёне пабываў на Блакітнай крыніцыЛукашэнка ў Слаўгарадскім раёне пабываў на Блакітнай крыніцы
Перад наведваннем крыніцы Аляксандр Лукашэнка сустрэўся з мясцовымі жыхарамі, якія тут жа гандлююць прадукцыяй уласнай вытворчасці, у тым ліку сырамі, мёдам, вырабамі народных промыслаў. Кіраўнік дзяржавы прадэгустраваў прадукты харчавання, ацаніў іх смак.

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі