У Беларусі ўведзена забарона на наведванне лясоў у 71 раёне*:
Брэсцкая вобласць - 16 раёнаў;
Гомельская - 20 (усе раёны за выключэннем Акцябрскага);
Гродзенская - 16 (усе раёны за выключэннем Навагрудскага);
Мінская - 14 (усе раёны за выключэннем Бярэзінскага, Вілейскага, Капыльскага, Крупскага, Лагойскага, Любанскага, Мядзельскага, Слуцкага);
Магілёўская - 5 (Горацкі, Мсціслаўскі, Магілёўскі, Слаўгарадскі, Чэрыкаўскі).
У іншых раёнах дазваляецца:
знаходзіцца ў лясных масівах толькі там, дзе ёсць спецыяльна абсталяваныя месцы адпачынку, стаянкі для турыстаў;
раскладаць агонь толькі ў мангалах або на спецыяльна абсталяваных (абкладзеных каменем або абараных) вогнішчах.
Забараняецца:
уязджаць на ўсе лясныя дарогі**;
самастойна адкрываць апушчаныя шлагбаумы на ўездах у лес.
Штрафы:
за парушэнне патрабаванняў пажарнай бяспекі ў лясах або на тарфяніках альбо забароны на іх наведванне, што не прывяло да прычынення ўрону, - папярэджанне або штраф да 25 БВ***;
за распальванне вогнішчаў у забароненых месцах - папярэджанне або штраф да 12 БВ.
Прычына часовых забарон - высокі клас пажарнай небяспекі:
- сухое надвор'е;
- няма ападкаў.
Асноўная прычына пажараў - чалавечы фактар. Людзі выпальваюць сухую расліннасць, у выніку парываў ветру агонь пераходзіць у лясны фонд, часта церпіць маёмасць насельніцтва.
За суткі (па стане на 6.00 20 красавіка) ліквідавана 58 пажараў у экасістэмах:
13 лясных пажараў на агульнай плошчы больш за 14,94 га;
1 тарфяны пажар на агульнай плошчы 0,002 га;
44 пажары травы і кустоў на агульнай плошчы 35,287 га.
* Па стане на 9.00 20 красавіка 2020 года.
** За выключэннем дарог агульнага прызначэння, якія праходзяць праз лясныя масівы.
*** Базавая велічыня цяпер складае Br27.
Крыніцы: Міністэрства лясной гаспадаркі, МНС.
