Сцяг Чацвер, 13 чэрвеня 2024
Усе навіны
Усе навіны
Грамадства
08 мая 2024, 14:48

Качанава: у рабоце з грамадзянамі важныя справядлівасць, інфарматыўнасць і аператыўнасць

8 мая, Гомель /Кар. БЕЛТА/. У рабоце з грамадзянамі важныя справядлівасць, інфарматыўнасць і аператыўнасць. На гэтым акцэнтавала ўвагу старшыня Савета Рэспублікі Наталля Качанава на выязным пашыраным пасяджэнні Прэзідыума Савета Рэспублікі па разглядзе вынікаў работы са зваротамі грамадзян і юрыдычных асоб у Гомельскай вобласці за першы квартал гэтага года, перадае карэспандэнт БЕЛТА.

Старшыня Савета Рэспублікі падкрэсліла, што ў краіне створана зладжаная сістэма работы са зваротамі грамадзян. "Гэта ўнікальныя формы работы, калі чалавек можа звярнуцца да дэпутата любога ўзроўню. Кожны зварот мы ўважліва і дасканала разглядаем", - запэўніла спікер.

Наталля Качанава зрабіла асаблівы акцэнт на важнасці работы з насельніцтвам. Пры гэтым назвала тры асноўныя пазіцыі, якія павінны быць улічаны і ў рабоце на месцах. "Усе рашэнні павінны прымацца на карысць дзяржавы і з пазіцыі справядлівага стаўлення да людзей. Немалаважна і своечасовае і праўдзівае інфармаванне насельніцтва па ўсіх напрамках, уключаючы тыя ж праграмы і планы добраўпарадкавання, капітальнага рамонту жылфонду, дарог", - удакладніла спікер.

Як прагучала на пасяджэнні, у 2023 годзе члены Савета Рэспублікі правялі звыш 710 асабістых прыёмаў і 360 прамых тэлефонных ліній, а таксама больш за 2 тыс. сустрэч з працоўнымі калектывамі і насельніцтвам на месцах. Было разгледжана звыш 7,5 тыс. зваротаў.

Грамадзяне праяўляюць актыўнасць і ў гэтым годзе. Так, за першы квартал 2024 года колькасць зваротаў да членаў Савета Рэспублікі ў параўнанні з аналагічным перыядам 2023 года павялічылася на 5 працэнтаў. Прыблізна такая ж сітуацыя і па зваротах, якія паступілі ад жыхароў Гомельскай вобласці. Як было адзначана, глабальных пытанняў, якія патрабуюць кардынальнага ўмяшання, ад гамяльчан не было.-0-

Фота Сяргея Халадзіліна
Падпісвайцеся на нас у
Twitter
Топ-навіны
Свежыя навіны Беларусі