У горадзе Ухань правінцыі Хубэй зарэгістравана ўспышка пнеўманіі каранавіруснай этыялогіі*.
Пасольства Беларусі ў КНР дало агульныя рэкамендацыі беларусам, якія знаходзяцца на тэрыторыі Кітая:
пазбягаць кантактаў з жывёламі, птушкамі;
адмовіцца ад наведвання рынкаў морапрадуктаў, жывой птушкі і жывёл, ферм;
не ўжываць сырыя або недастаткова тэрмічна апрацаваныя прадукты жывёльнага паходжання (малако, яйка, мяса, птушку, морапрадукты);
пазбягаць цесных кантактаў з людзьмі з сімптомамі ВРІ;
мыць рукі з вадкім мылам і вадой;
выкарыстоўваць антысептычныя сродкі на спіртавой аснове;
праводзіць гігіену рук, асабліва перад дакрананнем да рота, носа або вачэй, а таксама пасля кантакту з поручнямі, дзвярнымі ручкамі;
пры чханні або кашлі прыкрываць рот і нос папяровай сурвэткай.
Выпадкі заражэння зафіксаваны таксама ў Рэспубліцы Карэя, Японіі і Тайландзе.
* Каранавірусы - сямейства з больш як 30 вірусаў, якія былі ўпершыню выяўлены ў 1965 годзе. Імі могуць заражацца людзі, свойская жывёла, свінні, буйная рагатая жывёла, птушкі. Каранавірусы могуць пашкоджваць дыхальную сістэму, страўнікава-кішачны тракт, нервовую сістэму.
Крыніца: пасольства Беларусі ў КНР.