Фота з архіва
30 красавіка, Мінск /Кар. БЕЛТА/. Першакурсніца факультэта міжнародных адносін БДУ Вікторыя Нікалаева стала прызёрам Маладзёжнага чэмпіянату Еўропы па шашках-64, які праходзіў у горадзе Кемер (Турцыя) з 19 па 28 красавіка, паведамілі БЕЛТА ў прэс-службе ВНУ.
У хуткай праграме Вікторыя Нікалаева стала першай. Таксама яна заваявала бронзавыя медалі ў класічнай і маланкавай праграмах. На чэмпіянаце студэнтка БДУ выступала ў катэгорыі юніёраў да 20 гадоў.
У хуткай праграме Вікторыя Нікалаева стала першай. Таксама яна заваявала бронзавыя медалі ў класічнай і маланкавай праграмах. На чэмпіянаце студэнтка БДУ выступала ў катэгорыі юніёраў да 20 гадоў.
Турнір уключаў спаборніцтвы юнакоў і дзяўчат у пяці ўзроставых групах па трох праграмах. Усяго ў спаборніцтвах прынялі ўдзел 116 спартсменаў з дзевяці краін. Арганізатарам спаборніцтва выступіла Міжнародная федэрацыя шашак.
Дарэчы, Вікторыя Нікалаева мае званне "Міжнародны гросмайстар".-0-
Фота БДУ
