7 верасня, Мінск /Кар. БЕЛТА/. Другі ў гэтым годзе поўнамаштабны раўнд перагавораў па далучэнні Беларусі да Сусветнай гандлёвай арганізацыі пройдзе 11-15 верасня ў Жэневе. Аб гэтым паведаміў на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.
Паводле слоў начальніка ўпраўлення, у тым ліку пройдуць пасяджэнні па тэме дзяржаўнай падтрымкі сельскай гаспадаркі (12 верасня), дзявятае пасяджэнне рабочай групы (13 верасня), перагаворы па доступе на рынак тавараў і паслуг з 9 краінамі - членамі СГА.
У перагаворах прымуць удзел прадстаўнікі шэрага рэспубліканскіх органаў дзяржаўнага кіравання. Беларускі бок узначаліць першы намеснік міністра замежных спраў Андрэй Еўдачэнка. У час перагавораў запланавана яго сустрэча з кіраўніцтвам рабочай групы СГА па далучэнні Беларусі і сакратарыята СГА.-0-
