30 кастрычніка, Мінск /Кар. БЕЛТА/. МЗС Ізраіля закрывае дыпламатычныя прадстаўніцтвы за мяжой, паведамляецца на афіцыйным сайце ведамства.
"З-за рашэння Міністэрства фінансаў Ізраіля парушыць пагадненні, дасягнутыя і падпісаныя генеральным дырэктарам Мінфіна 21 ліпеня 2019 года, і прымяніць у аднабаковым парадку да пасланнікаў Дзяржавы Ізраіль за мяжой працэдуру, якая мяняе даўно ўстаноўлены парадак, мы вымушаны закрыць дыпламатычныя місіі Ізраіля за мяжой", - гаворыцца ў паведамленні, апублікаваным сёння на сайце МЗС краіны.
Уваход у місіі забаронены, паслугі грамадзянам на гэтым этапе ў пасольствах і консульствах Ізраіля не прадастаўляюцца.
"Мы працуем пастаянна і штодзень над умацаваннем міжнароднага статусу і моцы Дзяржавы Ізраіль. На жаль, Міністэрства фінансаў не пакінула нам іншага выбару, паколькі яго дзеянні прычыняюць шкоду неабходным для поспеху гэтай работы сродкам і інструментам. Мы спадзяёмся, што гэта пытанне будзе вырашана ўжо ў бліжэйшы час", - адзначылі ў МЗС Ізраіля.-0-
