9 ліпеня, Мінск /Кар. БЕЛТА/. У розыгрышы Кубка Беларусі па футболе сярод жаночых каманд вызначыліся ўсе ўдзельнікі паўфінальнай стадыі, паведамляе карэспандэнт БЕЛТА.
8 ліпеня лідар цяперашняга нацыянальнага чэмпіянату мінскае "Дынама-БДУФК" у паўторным чвэрцьфінальным матчы зноў абыграў сярэбранага прызёра мінулага чэмпіянату краіны мінскую "Зорку-БДУ" з рэзультатам 5:3. У першай сустрэчы яны перамаглі з лікам 6:0.
Гродзенскі "Нёман" на сваім полі разграміў выхаванак Брэсцкага абласнога цэнтра алімпійскага рэзерву - 12:0. У Брэсце гродзенскія футбалісткі таксама былі мацнейшыя - 6:0.
Спартсменкі "Бабруйчанкі" дома сустракаліся з магілёўскім "Дняпром" і выйгралі з мінімальнай перавагай - 2:1. У Магілёве лік таксама быў на карысць бабруйскіх футбалістак - 3:2.
Цяперашнія ўладальнікі Кубка і чэмпіёнкі краіны футбалісткі "Мінска" ўступяць у барацьбу з паўфіналу. Жаночая каманда ФК "Мінск" выйгравала Кубак восем разоў, дзесяць трафеяў у "Бабруйчанкі", магілёўская "Надзея" чатыры разы перамагала ў кубкавым турніры, па тры разы ўладальніцамі Кубка станавіліся спартсменкі "Зоркі-БДУ" і віцебскага "Універсітэта".-0-