3 мая, Мінск /Кар. БЕЛТА/. Прэзідэнт Беларусі Аляксандр Лукашэнка даў станоўчую ацэнку папярэднім вынікам праверкі дзяжурных сіл ВПС і войскаў ППА. Кіраўнік дзяржавы назіраў за працэсам на Цэнтральным камандным пункце ВПС і войскаў ППА, перадае карэспандэнт БЕЛТА.
"Праверка прайшла. Першае пытанне, якое мяне хвалявала, - каб гэта ўсё было аб'ектыўна і сумленна. Як ваенны чалавек вам магу сказаць, што калі вы праверку арганізавалі сумленна, як гэта належыць, - гэта дастойна. Я не служыў у ВПС, ППА. Але я бачу, як ажыццяўлялася гэта праверка, задума яе. Вы знайшлі ўсе цэлі. Вы з усімі цэлямі справіліся", - заявіў кіраўнік дзяржавы. - Гэта здорава. Ніводная цэль міма вас не прайшла. Уся Беларусь, гэта відаць у рэжыме рэальнага часу, вамі кантралюецца. А калі кантралюецца, вы знайшлі своечасова ўсе цэлі. Вы з імі справіліся. Дзе трэба - паразілі, дзе трэба - прымусілі да пасадкі і да таго падобнае. Вы бачыце ўсё, што робіцца на сумежжы (на сумежным баку. - Заўвага БЕЛТА), разведка працуе добра, інфармацыя перадаецца. Малайцы".
Аляксандр Лукашэнка яшчэ раз падкрэсліў, што такая ацэнка мае права на жыццё, толькі калі праверка сапраўды была раптоўнай: "Адно толькі: калі гэта ўсё нечакана, раптоўна і сумленна. Калі так, то гэта не проста ўражвае, а гэта прыстойна. Будуць рэзультаты аб'ектыўнага кантролю - тады мы канчаткова падвядзём вынікі ў Міністэрстве абароны. Таму ў мяне адна толькі насцярожанасць - каб гэта было сумленна. Раптоўная праверка - значыць, ведаюць тыя, каму трэба. А астатнія працуюць, як у ваенны час. Калі гэта так, то малайцы. Гэта нядрэнна".
Прэзідэнт поўнасцю назіраў за ходам праверкі, цікавіўся дэталямі таго, што адбываецца, а потым паразмаўляў з удзельнікамі мерапрыемства.-0-
