29 чэрвеня, Мінск /Кар. БЕЛТА/. Фіналіст Кубка Гагарына мінулага сезона "Металург" перад стартам новага чэмпіянату КХЛ правядзе збор у Мінску, паведамляе БЕЛТА са спасылкай на прэс-службу каманды.
Першы збор "Металурга" пройдзе 18 ліпеня ў Магнітагорску, 24 ліпеня "лісы" адправяцца ў Мінск, дзе будуць трэніравацца да 4 жніўня. Двухразовы чэмпіён КХЛ праводзіў ужо зборы ў сталіцы Беларусі мінулым летам, а таксама ў лютым гэтага года. Рэгулярны чэмпіянат для "Магніткі" стартуе 1 верасня ў Маскве, у матчы за Кубак Адкрыцця "лісы" згуляюць супраць ЦСКА.
Раней аб правядзенні збораў у Мінску ў ліпені-жніўні заявілі новасібірская "Сібір" і "Адмірал" з Уладзівастока.-0-