4 студзеня, Мінск /Кар. БЕЛТА/. Валейбалісты сталічнага "Будаўніка" з паражэння пачалі каляндарны год у чэмпіянаце расійскай Суперлігі, паведамляе карэспандэнт БЕЛТА.
У сераду падапечныя Алега Мікановіча, якія ідуць на перадапошнім месцы ў чэмпіянаце, гасцілі ў суседзяў па турнірнай табліцы - клуба "Югра-Саматлор" з Ніжнявартаўска. Нягледзячы на практычна роўнае па ачках становішча каманд, інтрыгі ў паядынку не атрымалася. Лепшым для беларускіх валейбалістаў стаў стартавы сэт, які "Будаўнік" прайграў з лікам 21:25. У дзвюх наступных партыях гаспадары былі прыкметна мацнейшыя - 25:19 і 25:14, фінальны лік - 3:0.
Гэта паражэнне стала для сталічнага клуба 12-м у 14 матчах чэмпіянату. Наша каманда з сямю баламі займае 15-ю пазіцыю сярод 16 калектываў Суперлігі, на адно ачко апярэджваючы толькі "Нову" з Навакуйбышаўска. Наступную гульню ў чэмпіянаце Расіі па валейболе "Будаўнік" правядзе 7 студзеня ў гасцях у трэцяй каманды гэтага сезона - маскоўскага "Дынама".-0-
