Фота з архіва
17 снежня, Мінск /Кар. БЕЛТА/. У сезоне-2025/26 хакейнай лігі чэмпіёнаў вызначыліся ўдзельнікі паўфінальных матчаў, паведамляе карэспандэнт БЕЛТА.
Першым паўфіналістам турніру стаў шведскі "Лулеа". Самая паўночная каманда розыгрышу выбіла з барацьбы лідара рэгулярнага сезона фінскі "Ільвес", які да 1/4 фіналу не пацярпеў ніводнага паражэння. На гэтай стадыі шведы выйгралі абодва матчы - 3:2 і 3:0. Наступным сапернікам "Лулеа" будзе швейцарскі "Цуг". У выязной гульні супраць фінскага "Лука" "быкі" ўступілі з лікам 1:3, але ў дамашнім паядынку здабылі перамогу (3:0) і па суме дзвюх сустрэч пайшлі далей.
Другая паўфінальная пара аказалася поўнасцю шведскай. "Фрэлунда" з Гётэбарга была мацнейшай за нямецкі "Інгальштат" (3:1, 2:2), а "Брунес" з Еўле разабраўся з фінскай камандай "КалПа" (5:1, 3:2). Першыя матчы 1/2 фіналу пройдуць 13-14 студзеня 2026 года, гульні ў адказ запланаваны на 20-21 студзеня. Паядынак за званне мацнейшай каманды Еўропы адбудзецца 3 сакавіка.
У адзінаццатым сезоне хакейнай лігі чэмпіёнаў стартавалі 24 каманды з 12 краін, раней турнір пакінулі прадстаўнікі Чэхіі, Аўстрыі, Італіі, Вялікабрытаніі, Нарвегіі, Францыі, Даніі і Польшчы. Чатырохразовым уладальнікам трафея з'яўляецца "Фрэлунда" (2016, 2017, 2019, 2020), па разе кубак бралі шведскія "Лулеа" (2015) і "Рэгле" (2022), фінскія ЮП (2018) і "Тапара" (2023), а таксама швейцарскія "Жэнева-Сервет" (2024) і "Цюрых" (2025).-0-
Першым паўфіналістам турніру стаў шведскі "Лулеа". Самая паўночная каманда розыгрышу выбіла з барацьбы лідара рэгулярнага сезона фінскі "Ільвес", які да 1/4 фіналу не пацярпеў ніводнага паражэння. На гэтай стадыі шведы выйгралі абодва матчы - 3:2 і 3:0. Наступным сапернікам "Лулеа" будзе швейцарскі "Цуг". У выязной гульні супраць фінскага "Лука" "быкі" ўступілі з лікам 1:3, але ў дамашнім паядынку здабылі перамогу (3:0) і па суме дзвюх сустрэч пайшлі далей.
Другая паўфінальная пара аказалася поўнасцю шведскай. "Фрэлунда" з Гётэбарга была мацнейшай за нямецкі "Інгальштат" (3:1, 2:2), а "Брунес" з Еўле разабраўся з фінскай камандай "КалПа" (5:1, 3:2). Першыя матчы 1/2 фіналу пройдуць 13-14 студзеня 2026 года, гульні ў адказ запланаваны на 20-21 студзеня. Паядынак за званне мацнейшай каманды Еўропы адбудзецца 3 сакавіка.
У адзінаццатым сезоне хакейнай лігі чэмпіёнаў стартавалі 24 каманды з 12 краін, раней турнір пакінулі прадстаўнікі Чэхіі, Аўстрыі, Італіі, Вялікабрытаніі, Нарвегіі, Францыі, Даніі і Польшчы. Чатырохразовым уладальнікам трафея з'яўляецца "Фрэлунда" (2016, 2017, 2019, 2020), па разе кубак бралі шведскія "Лулеа" (2015) і "Рэгле" (2022), фінскія ЮП (2018) і "Тапара" (2023), а таксама швейцарскія "Жэнева-Сервет" (2024) і "Цюрых" (2025).-0-
Падпісвайцеся на нас у
