6 верасня, Мінск /Кар. БЕЛТА/. Збоі ў падачы транспарту зарэгістраваны сёння на выездзе з Літвы ў Беларусь, паведаміла БЕЛТА афіцыйны прадстаўнік Гродзенскай рэгіянальнай мытні Юлія Раманюк.
Збоі ў падачы транспарту, што рухаецца на выезд з Літвы ў Беларусь, адзначаны ў літоўскіх пунктах пропуску "Мядзінінкай", "Лаварышкес", "Шальчынінкай" і "Райгардас" (з беларускага боку "Каменны Лог", "Катлоўка", "Беняконі" і "Прывалка").
Паводле паведамлення літоўскіх кантралюючых службаў на граніцы, у праграмных экспартных прадуктах Літвы адбыліся збоі, што ўплывае на рытмічнасць афармлення грузавых транспартных сродкаў. Так, з пункта пропуску "Шальчынінкай" ("Беняконі") на беларускі бок сёння пададзена толькі палавіна транспарту ад колькасці, устаноўленай міжнароднымі дамоўленасцямі, а з пункта пропуску "Мядзінінкай" ("Каменны Лог") - усяго трэць.
Згодна з данымі на афіцыйным сайце ДПК, па стане на 18.00 выезду ў Літву чакалі больш за 880 велікагрузаў.-0-
