10 студзеня, Мінск /Кар. БЕЛТА/. Рэзкіх змяненняў у кошце квадратнага метра жылля ў Беларусі не прагназуецца. Аб гэтым заявіў міністр архітэктуры і будаўніцтва Руслан Пархамовіч у эфіры тэлеканала АНТ, паведамляе БЕЛТА.
"Рэзкіх змяненняў у кошце квадратнага метра жылля мы не прагназуем. Як і раней, у адпаведнасці з прамым даручэннем дырэктывы мы будзем захоўваць суадносіны сярэдняга кошту квадратнага метра жылля і сярэдняй заработнай платы ў краіне. Павінен быць не большы за адзінку гэты каэфіцыент. Таму наша мэта на будучы год такая. Тут размова ідзе аб жыллі з дзяржпадтрымкай", - сказаў Руслан Пархамовіч.
Што датычыцца рыначнага кошту жылля, то тут цану дыктуе рынак. "Калі дастаткова высокі попыт і нізкае прапанаванне, адпаведна, мы атрымаем павелічэнне цаны. Але цяпер такой тэндэнцыі не назіраецца, - адзначыў міністр. - Сёння, на наш погляд, гэта ўраўнаважаны рынак. Гэта значыць, у нас дастаткова прапанаванняў і нядрэнны попыт. Таму цана на 15-20 працэнтаў даражэйшая, чым кошт жылля з дзяржпадтрымкай".-0-
