Фота з архіва
13 кастрычніка, Мінск /Кар. БЕЛТА/. Як у Беларусі падтрымліваюць сем'і пры нараджэнні і выхаванні дзяцей, расказала журналістам намеснік міністра працы і сацыяльнай абароны Юлія Берднікава, перадае карэспандэнт БЕЛТА.
Юлія Берднікава падкрэсліла, што ў Беларусі імкненне дзяржавы захоўваць сямейныя каштоўнасці ў іх традыцыйным варыянце, не дапускаючы разбурэння фундаментальных асноў беларускага грамадства, замацавана і ў Канстытуцыі. "Мацярынства, бацькоўства і дзяцінства знаходзяцца пад абаронай дзяржавы. Сацыяльная арыентаванасць - асаблівасць нашай дзяржавы. Шчаслівая сям'я, шчаслівае дзяцінства з'яўляюцца аднымі з прыярытэтаў бягучай пяцігодкі сацыяльна-эканамічнага развіцця Беларусі", - сказала яна.
Намеснік міністра адзначыла, што сёння ў краіне рэалізуецца комплекс мер для падтрымкі сем'яў пры нараджэнні і выхаванні дзяцей. "Сацыяльная абарона сям'і, мацярынства і бацькоўства забяспечваецца праз прадастаўленне дзяржаўных дапамог пры нараджэнні і выхаванні дзяцей, сямейнага капіталу пры нараджэнні трэцяга і наступнага дзіцяці, адраснай сацыяльнай дапамогі і сацыяльных паслуг, гарантыі ў сферы працы, пенсійнага забеспячэння, жыллёва-крэдытных адносін і ў іншых сферах жыццядзейнасці сям'і. Забяспечваецца выплата дзяржаўных дапамог і падтрыманне памераў іх пакупніцкай здольнасці", - падзялілася Юлія Берднікава.
На фінансаванне сістэмы дапамог у бягучым годзе прадугледжана Br3,7 млрд. "З іх амаль Br2 млрд на выплату дапамог па доглядзе дзіцяці да 3 гадоў", - сказала Юлія Берднікава і дадала, што ў Беларусі кожнае пятае дзіця атрымлівае дапамогі.
Намеснік міністра нагадала, што памер аднаразовай дапамогі ў сувязі з нараджэннем першага дзіцяці складае 10 бюджэтаў пражытачнага мінімуму. З 1 жніўня гэта каля Br5 тыс. рублёў. На другое дзіця выплаты павялічваюцца да 14 бюджэтаў пражытачнага мінімуму, і гэта ўжо каля Br7 тыс. рублёў.
"Памер штомесячнай дапамогі па доглядзе дзіцяці ва ўзросце да 3 гадоў вышэйшы за мінімальную заработную плату і ўвязаны з ростам сярэдняй заработнай платы рэспублікі. На першае дзіця ён складае 35 працэнтаў ад сярэдняй заработнай платы, гэта ў эквіваленце каля Br930. На другое і наступных дзяцей памеры выплат павялічваюцца да 40 працэнтаў ад сярэдняй заработнай платы, гэта больш за Br1 тыс. у месяц, на дзіця-інваліда - Br1,2 тыс. Пры выхаванні ў сям'і дваіх і больш дзяцей, адно з якіх ва ўзросце да 3 гадоў, выплачваюцца дзве дапамогі - на дзіця да 3 гадоў і на дзіця ад 3 да 18 гадоў. У сукупнасці сярэдні памер гэтых дапамог складзе Br1,3 тыс.", - расказала Юлія Берднікава.
У той жа час пры нараджэнні ў сям'і дваіх і больш дзяцей адначасова дадаткова прадастаўляецца аднаразовая выплата ў памеры двух бюджэтаў пражытачнага мінімуму на кожнае дзіця, што складае каля Br975. А таксама бясплатна прадастаўляецца харчаванне дзецям да двух гадоў і паслугі няні да дасягнення дзецьмі ўзросту трох гадоў.
Рэалізуецца ў рэспубліцы праграма "Сямейны капітал" пры нараджэнні і ўсынаўленні трэцяга і наступнага дзіцяці, якая па рашэнні кіраўніка дзяржавы з 1 студзеня бягучага года прадоўжана яшчэ на 5 гадоў і будзе дзейнічаць да 31 снежня 2029 года. "У 2025 годзе памер сямейнага капіталу складзе Br33 275. На яго фінансаванне прадугледжана Br360 млн у бягучым годзе", - сказала намеснік міністра.
Яна адзначыла, што за 10 гадоў рэалізацыі гэтай праграмы сямейны капітал атрымалі каля 150 тыс. сем'яў. "Адзначу, што ўсім сем'ям, якія маюць на яго права, сямейны капітал назначаны. Па стане на 1 кастрычніка бягучага года прынята больш як 96 тыс. рашэнняў аб датэрміновым распараджэнні сямейным капіталам: 77 працэнтаў рашэнняў - на паляпшэнне жыллёвых умоў сям'і пры куплі або будаўніцтве жылля, пагашэнні крэдытных пазык, выдадзеных на жыллё, 14 працэнтаў - на атрыманне адукацыі, на медыцынскія паслугі - 9 працэнтаў", - расказала Юлія Берднікава.
З 14 па 21 кастрычніка 2025 года ў Беларусі пройдзе маштабны Тыдзень бацькоўскай любові, прымеркаваны да Дня маці (14 кастрычніка) і Дня бацькі (21 кастрычніка). Міністэрства працы і сацыяльнай абароны распрацавала шырокую праграму, якая ўключае сотні мерапрыемстваў па ўсёй краіне. У яе ўвойдуць афіцыйныя форумы і канцэрты, сямейныя марафоны ў сацыяльных сетках, а таксама дні адкрытых дзвярэй у музеях.-0-
Юлія Берднікава падкрэсліла, што ў Беларусі імкненне дзяржавы захоўваць сямейныя каштоўнасці ў іх традыцыйным варыянце, не дапускаючы разбурэння фундаментальных асноў беларускага грамадства, замацавана і ў Канстытуцыі. "Мацярынства, бацькоўства і дзяцінства знаходзяцца пад абаронай дзяржавы. Сацыяльная арыентаванасць - асаблівасць нашай дзяржавы. Шчаслівая сям'я, шчаслівае дзяцінства з'яўляюцца аднымі з прыярытэтаў бягучай пяцігодкі сацыяльна-эканамічнага развіцця Беларусі", - сказала яна.
Намеснік міністра адзначыла, што сёння ў краіне рэалізуецца комплекс мер для падтрымкі сем'яў пры нараджэнні і выхаванні дзяцей. "Сацыяльная абарона сям'і, мацярынства і бацькоўства забяспечваецца праз прадастаўленне дзяржаўных дапамог пры нараджэнні і выхаванні дзяцей, сямейнага капіталу пры нараджэнні трэцяга і наступнага дзіцяці, адраснай сацыяльнай дапамогі і сацыяльных паслуг, гарантыі ў сферы працы, пенсійнага забеспячэння, жыллёва-крэдытных адносін і ў іншых сферах жыццядзейнасці сям'і. Забяспечваецца выплата дзяржаўных дапамог і падтрыманне памераў іх пакупніцкай здольнасці", - падзялілася Юлія Берднікава.
На фінансаванне сістэмы дапамог у бягучым годзе прадугледжана Br3,7 млрд. "З іх амаль Br2 млрд на выплату дапамог па доглядзе дзіцяці да 3 гадоў", - сказала Юлія Берднікава і дадала, што ў Беларусі кожнае пятае дзіця атрымлівае дапамогі.
Намеснік міністра нагадала, што памер аднаразовай дапамогі ў сувязі з нараджэннем першага дзіцяці складае 10 бюджэтаў пражытачнага мінімуму. З 1 жніўня гэта каля Br5 тыс. рублёў. На другое дзіця выплаты павялічваюцца да 14 бюджэтаў пражытачнага мінімуму, і гэта ўжо каля Br7 тыс. рублёў.
"Памер штомесячнай дапамогі па доглядзе дзіцяці ва ўзросце да 3 гадоў вышэйшы за мінімальную заработную плату і ўвязаны з ростам сярэдняй заработнай платы рэспублікі. На першае дзіця ён складае 35 працэнтаў ад сярэдняй заработнай платы, гэта ў эквіваленце каля Br930. На другое і наступных дзяцей памеры выплат павялічваюцца да 40 працэнтаў ад сярэдняй заработнай платы, гэта больш за Br1 тыс. у месяц, на дзіця-інваліда - Br1,2 тыс. Пры выхаванні ў сям'і дваіх і больш дзяцей, адно з якіх ва ўзросце да 3 гадоў, выплачваюцца дзве дапамогі - на дзіця да 3 гадоў і на дзіця ад 3 да 18 гадоў. У сукупнасці сярэдні памер гэтых дапамог складзе Br1,3 тыс.", - расказала Юлія Берднікава.
У той жа час пры нараджэнні ў сям'і дваіх і больш дзяцей адначасова дадаткова прадастаўляецца аднаразовая выплата ў памеры двух бюджэтаў пражытачнага мінімуму на кожнае дзіця, што складае каля Br975. А таксама бясплатна прадастаўляецца харчаванне дзецям да двух гадоў і паслугі няні да дасягнення дзецьмі ўзросту трох гадоў.
Рэалізуецца ў рэспубліцы праграма "Сямейны капітал" пры нараджэнні і ўсынаўленні трэцяга і наступнага дзіцяці, якая па рашэнні кіраўніка дзяржавы з 1 студзеня бягучага года прадоўжана яшчэ на 5 гадоў і будзе дзейнічаць да 31 снежня 2029 года. "У 2025 годзе памер сямейнага капіталу складзе Br33 275. На яго фінансаванне прадугледжана Br360 млн у бягучым годзе", - сказала намеснік міністра.
Яна адзначыла, што за 10 гадоў рэалізацыі гэтай праграмы сямейны капітал атрымалі каля 150 тыс. сем'яў. "Адзначу, што ўсім сем'ям, якія маюць на яго права, сямейны капітал назначаны. Па стане на 1 кастрычніка бягучага года прынята больш як 96 тыс. рашэнняў аб датэрміновым распараджэнні сямейным капіталам: 77 працэнтаў рашэнняў - на паляпшэнне жыллёвых умоў сям'і пры куплі або будаўніцтве жылля, пагашэнні крэдытных пазык, выдадзеных на жыллё, 14 працэнтаў - на атрыманне адукацыі, на медыцынскія паслугі - 9 працэнтаў", - расказала Юлія Берднікава.
З 14 па 21 кастрычніка 2025 года ў Беларусі пройдзе маштабны Тыдзень бацькоўскай любові, прымеркаваны да Дня маці (14 кастрычніка) і Дня бацькі (21 кастрычніка). Міністэрства працы і сацыяльнай абароны распрацавала шырокую праграму, якая ўключае сотні мерапрыемстваў па ўсёй краіне. У яе ўвойдуць афіцыйныя форумы і канцэрты, сямейныя марафоны ў сацыяльных сетках, а таксама дні адкрытых дзвярэй у музеях.-0-
Падпісвайцеся на нас у
