Фота Мінадукацыі
22 мая, Мінск /Кар. БЕЛТА/. Беларуска-кітайскі цэнтр фундаментальных навук БДУ і Пекінскага ўніверсітэта стане важным механізмам для правядзення даследаванняў паміж універсітэтамі абедзвюх дзяржаў. Такое меркаванне выказаў міністр адукацыі Андрэй Іванец у час візіту ў Кітай дэлегацыі беларускай сістэмы адукацыі, паведамілі БЕЛТА ў прэс-службе Мінадукацыі.
Візіт пачаўся з наведвання калыскі кітайскай дыпламатыі - Пекінскага ўніверсітэта замежных моў. На сустрэчы з рэктарам універсітэта Цзя Вэньцзянем Андрэй Іванец абмеркаваў перспектывы ўзаемадзеяння па пытаннях каардынацыі дзейнасці цэнтраў вывучэння Беларусі, якія дзейнічаюць на базе кітайскіх універсітэтаў, і супрацоўніцтва з беларускімі ўстановамі вышэйшай адукацыі. Цзя Вэньцзянь падтрымаў прапанову кіраўніка беларускага адукацыйнага ведамства аб ускладанні на Пекінскі ўніверсітэт замежных моў функцый органа, які будзе каардынаваць дзейнасць цэнтраў вывучэння Беларусі ў кітайскіх універсітэтах.
Таксама на сустрэчы абмяркоўваўся ход рэалізацыі двухбаковых праектаў паміж БДУ і адной са старэйшых ВНУ Кітая. Адзначалася, што сумесная праграма па спецыяльнасці "біятэхналогіі" мае беспрэцэдэнтны характар, у развіццё гэтага напрамку будзе адкрыты Беларуска-кітайскі цэнтр фундаментальных навук БДУ і Пекінскага ўніверсітэта. Андрэй Іванец падкрэсліў, што ён стане важным механізмам для правядзення даследаванняў паміж універсітэтамі абедзвюх дзяржаў.
Міністр адукацыі запрасіў кітайскага калегу наведаць Беларусь, выказаў удзячнасць за падтрымку па лініі Шанхайскай арганізацыі супрацоўніцтва. Ён абазначыў гатоўнасць удзелу ў мерапрыемствах у рамках старшынства Кітая ў арганізацыі, а таксама правесці наступную нараду міністраў адукацыі дзяржаў - удзельніц ШАС у Беларусі.
Завяршаецца візіт беларускай дэлегацыі ў Даляні. Там адбылося пасяджэнне Кітайска-беларускай асацыяцыі ўніверсітэтаў і пасяджэнне камісіі па супрацоўніцтве Кітайска-беларускага міжурадавага камітэта. Паміж ВНУ абедзвюх краін дадзены старт фарміраванню кластараў: лічбавыя тэхналогіі, біятэхналогіі і ахова здароўя, інтэлектуальная вытворчасць, эканамічная палітыка і кіраванне, дыялог цывілізацый, развіццё кітайскай і беларускай моў і супрацоўніцтва рэгіёнаў. Андрэй Іванец пагутарыў са студэнтамі і выкладчыкамі Сумеснага інстытута БДУ і Даляньскага політэхнічнага ўніверсітэта, азнаёміўся з арганізацыяй адукацыйнага працэсу, наведаў Цэнтр вывучэння Беларусі на базе гэтай кітайскай ВНУ. Па выніках візіту праведзена 30 перагавораў з удзелам 60 універсітэтаў, падпісаны 12 пагадненняў аб супрацоўніцтве паміж ВНУ Беларусі і Кітая, а таксама план па рэалізацыі флагманскіх праектаў на 2024-2025 гады.-0-
Візіт пачаўся з наведвання калыскі кітайскай дыпламатыі - Пекінскага ўніверсітэта замежных моў. На сустрэчы з рэктарам універсітэта Цзя Вэньцзянем Андрэй Іванец абмеркаваў перспектывы ўзаемадзеяння па пытаннях каардынацыі дзейнасці цэнтраў вывучэння Беларусі, якія дзейнічаюць на базе кітайскіх універсітэтаў, і супрацоўніцтва з беларускімі ўстановамі вышэйшай адукацыі. Цзя Вэньцзянь падтрымаў прапанову кіраўніка беларускага адукацыйнага ведамства аб ускладанні на Пекінскі ўніверсітэт замежных моў функцый органа, які будзе каардынаваць дзейнасць цэнтраў вывучэння Беларусі ў кітайскіх універсітэтах.
Таксама на сустрэчы абмяркоўваўся ход рэалізацыі двухбаковых праектаў паміж БДУ і адной са старэйшых ВНУ Кітая. Адзначалася, што сумесная праграма па спецыяльнасці "біятэхналогіі" мае беспрэцэдэнтны характар, у развіццё гэтага напрамку будзе адкрыты Беларуска-кітайскі цэнтр фундаментальных навук БДУ і Пекінскага ўніверсітэта. Андрэй Іванец падкрэсліў, што ён стане важным механізмам для правядзення даследаванняў паміж універсітэтамі абедзвюх дзяржаў.
Міністр адукацыі запрасіў кітайскага калегу наведаць Беларусь, выказаў удзячнасць за падтрымку па лініі Шанхайскай арганізацыі супрацоўніцтва. Ён абазначыў гатоўнасць удзелу ў мерапрыемствах у рамках старшынства Кітая ў арганізацыі, а таксама правесці наступную нараду міністраў адукацыі дзяржаў - удзельніц ШАС у Беларусі.
Завяршаецца візіт беларускай дэлегацыі ў Даляні. Там адбылося пасяджэнне Кітайска-беларускай асацыяцыі ўніверсітэтаў і пасяджэнне камісіі па супрацоўніцтве Кітайска-беларускага міжурадавага камітэта. Паміж ВНУ абедзвюх краін дадзены старт фарміраванню кластараў: лічбавыя тэхналогіі, біятэхналогіі і ахова здароўя, інтэлектуальная вытворчасць, эканамічная палітыка і кіраванне, дыялог цывілізацый, развіццё кітайскай і беларускай моў і супрацоўніцтва рэгіёнаў. Андрэй Іванец пагутарыў са студэнтамі і выкладчыкамі Сумеснага інстытута БДУ і Даляньскага політэхнічнага ўніверсітэта, азнаёміўся з арганізацыяй адукацыйнага працэсу, наведаў Цэнтр вывучэння Беларусі на базе гэтай кітайскай ВНУ. Па выніках візіту праведзена 30 перагавораў з удзелам 60 універсітэтаў, падпісаны 12 пагадненняў аб супрацоўніцтве паміж ВНУ Беларусі і Кітая, а таксама план па рэалізацыі флагманскіх праектаў на 2024-2025 гады.-0-
