Сцяг Субота, 20 ліпеня 2024
Усе навіны
Усе навіны
Спорт
14 чэрвеня 2024, 18:43

Беларускія самбісты заваявалі 11 узнагарод Гульняў БРІКС

Фота photos.bricskazan2024.games
Фота photos.bricskazan2024.games
14 чэрвеня, Мінск /Кар. БЕЛТА/. Прадстаўнікі самба завяршылі выступленні на Спартыўных гульнях краін БРІКС у Казані, паведамляе карэспандэнт БЕЛТА.

Другі і фінальны дзень спаборніцтваў у самба прынёс нашым спартсменам па два медалі кожнай вартасці, усяго ў нацыянальнай каманды 11 узнагарод (2-6-3). Апошняй з беларусак на п'едэстал гонару паднялася Валерыя Хрушчова, якая дайшла да фіналу ў вагавой катэгорыі звыш 80 кг, дзе ўступіла расіянцы Вользе Міхеевай. Раней у пятніцу чэмпіёнкамі Гульняў БРІКС сталі Даніэла Ждан (да 65 кг) і Карына Шут (да 80 кг), серабро выйграла Анжэла Жылінская (да 72 кг), а ў мужчын Данііл Патачыц (да 88 кг) і Дзмітрый Хахлоў (звыш 98 кг) узялі па бронзе.

Напярэдадні сярэбранымі прызёрамі мультыспартыўнага форуму ў Казані сталі Уладзіслаў Бурдзь (да 58 кг), Уладзіслаў Мардусевіч (да 71 кг), Анфіса Капаева (да 50 кг) і Таццяна Мацко (да 59 кг). Бронзавы медаль у катэгорыі да 54 кг у жанчын атрымала Алена Купава.-0-  

Падпісвайцеся на нас у
Twitter
Топ-навіны
Свежыя навіны Беларусі