Навіны сюжэта
""Марафон адзінства" ў Беларусі "
3 студзеня, Салігорск /Кар. БЕЛТА/. Блогеры - удзельнікі "Марафону адзінства" пабывалі з экскурсіяй на салігорскіх тэрыконах, перадае карэспандэнт БЕЛТА.
Пад'язджаць да іх на блізкую адлегласць не рэкамендуецца - гэта прамысловы аб'ект, і на тэрыторыі расстаўлены папераджальныя таблічкі. Зрэшты, ніхто не забараняе любавацца тэрыконамі здалёк, як і рабіць здымкі вялізных насыпаў. Але ў блогераў, якія ўдзельнічаюць у "Марафоне адзінства", была магчымасць палюбавацца тэрыконамі бліжэй.
Салігорскія тэрыконы - месца для Беларусі шмат у чым унікальнае. Гэта горы з пяску і солі, вышыня якіх перавышае сотню метраў. Пейзаж па-сапраўднаму ўражвае і навявае асацыяцыі не то з марсіянскімі ландшафтамі, не то з пустыняй.
Валерыя Брыль прыехала ў Салігорск з Баранавіч. Дзяўчына адзначае, што ёй ужо даводзілася бываць у гэтай маляўнічай лакацыі. "Я фатограф, таму тут не ўпершыню. Прыязджаю сюды фатаграфаваць вяселлі. Гэта адна з самых прыгожых лакацый у Беларусі. Прыязджаем, атрымліваем задавальненне. А цяпер нас сюды прывёз "Марафон". Думаю, маіх падпісчыкаў таксама ўразіць гэта мясціна", - лічыць яна.
Кацярына Залынская з Барысава на тэрыконах пабывала ўпершыню. Дзяўчына прызнаецца: эмоцыі ад такой экскурсіі проста зашкальваюць. "Такія маштабы не могуць не ўражваць. Кантэнту будзе шмат, думаю, усе падпісчыкі з задавальненнем паглядзяць", - дадала Кацярына.-0-
Падпісвайцеся на нас у
