14 красавіка, Краснапольскі раён /Кар. БЕЛТА/. Новая праграма развіцця паўднёвага ўсходу Магілёўскай вобласці павінна быць выключна канкрэтнай. Аб гэтым Прэзідэнт Беларусі Аляксандр Лукашэнка заявіў у ходзе нарады па пытаннях комплекснага сацыяльна-эканамічнага развіцця рэгіёна, перадае карэспандэнт БЕЛТА.
Указы па комплексным сацыяльна-эканамічным развіцці паўднёва-ўсходняга рэгіёна Магілёўскай вобласці прымаліся ў 2015 і 2020 гадах. Цяпер прапануецца прадоўжыць праграму на 2026-2030 гады. Размова ідзе аб тэрыторыях Крычаўскага, Клімавіцкага, Краснапольскага, Касцюковіцкага, Слаўгарадскага, Чэрыкаўскага і Хоцімскага раёнаў.
Значная частка тэрыторыі пацярпела ад аварыі на Чарнобыльскай АЭС, што негатыўна паўплывала на эканоміку. Існавала верагоднасць таго, што многае ў рэгіёне можа быць загублена.
"Сем раёнаў мы, на жаль, ледзь не загубілі. Многае загубілі, але трэба паднімаць гэтыя раёны. Пяць гадоў вам было дадзена. Але гэта не той вынік, на які асабіста я разлічваў. Мы, напэўна, праграму пяцігодкі паўднёвага ўсходу вызначым, але яна павінна быць выключна канкрэтнай", - заявіў Аляксандр Лукашэнка.
Кіраўнік дзяржавы адзначыў, што ў час наведвання рыбгаса "Палуж" у Краснапольскім раёне было прапанавана тыражаваць вопыт такіх прадпрыемстваў, якія станоўча ўплываюць на развіццё раёна.
"Добры праект. Проста сесці і падумаць - такіх жа праектаў нямала можна зрабіць. З фінансаваннем... Не дадзім - дапаможам", - падкрэсліў беларускі лідар.-0-
Падпісвайцеся на нас у
