1 красавіка, Мінск /Кар. БЕЛТА/. Ваенныя нясуць найвялікшую адказнасць за краіну і народ. Аб гэтым Прэзідэнт Беларусі Аляксандр Лукашэнка заявіў пры падвядзенні вынікаў комплекснай праверкі Узброеных Сіл Рэспублікі Беларусь, перадае карэспандэнт БЕЛТА.
"У вайне будзе важна ўсё. І падрыхтоўка афіцэраў, ступень авалодання ваеннаслужачымі зброяй, фізпадрыхтоўка, стан узбраення і ваеннай тэхнікі. Гэта аснова выжывання і перамогі ў баі", - сказаў кіраўнік дзяржавы.
"Адказнасць за краіну, за наш мірны, дружалюбны па сваім светапоглядзе народ найвялікшая на кожным з вас", - падкрэсліў Аляксандр Лукашэнка.
Удзельнікамі нарады ў кіраўніка дзяржавы сталі амаль 300 чалавек, у ліку якіх - камандзіры злучэнняў, якія прыцягваліся да праверкі.
Маштабная праверка Узброеных Сіл па даручэнні Прэзідэнта праводзілася ў Беларусі з 16 студзеня. Ключавой асаблівасцю праверкі была яе арганізацыя. Кіраўнік дзяржавы прыводзіў у баявую гатоўнасць воінскія часці, абмінаючы Міністэрства абароны і Генеральны штаб. У ходзе праверкі былі пастаўлены канкрэтныя мэты: убачыць аб'ектыўную карціну, рэальны стан войскаў, ацаніць дзеянні ваеннаслужачых. Менавіта таму мерапрыемствы мелі раптоўны характар.-0-
Падпісвайцеся на нас у
