Актуальнасць ідэі інтэграцыі інтэграцый ЕС і ЕАЭС узрастае. Такое меркаванне карэспандэнту БЕЛТА выказаў намеснік старшыні Пастаяннай камісіі Палаты прадстаўнікоў па міжнародных справах Віталь Бусько, каменціруючы ключавыя моманты Паслання Прэзідэнта да беларускага народа і Нацыянальнага сходу.
Аляксандр Лукашэнка ў сваім пасланні заявіў, што лічыць рэальным збліжэнне Еўрасаюза і Еўразійскага эканамічнага саюза. "Прэзідэнт яшчэ раз падкрэсліў: мы падтрымліваем ідэю інтэграцыі інтэграцый. Ва ўмовах, калі актыўна развіваецца ЕАЭС, думаю, яна хутка аб сабе заявіць", - сказаў дэпутат. Ён звярнуў увагу, што ў аснове гэтай ідэі ляжаць менавіта партнёрскія адносіны ЕС і ЕАЭС, а не саперніцтва.
Парламентарый адзначыў, што ў Пасланні Прэзідэнта закраналіся важныя праблемы, вырашаць якія неабходна сумеснымі намаганнямі дзяржавы і грамадства.
