Фота з архіва
7 лютага, Мінск /Кар. БЕЛТА/. Намеснік міністра сувязі і інфарматызацыі Юлія Шапкіна расказала карэспандэнту БЕЛТА аб мэтах дзяржаўнай праграмы "Лічбавая Беларусь" на 2026-2030 гады.
Мэта праграмы "Лічбавая Беларусь" - не ўсё перавесці ў лічбавы фармат дзеля лічбы, а зрабіць эканоміку больш эфектыўнай, а жыццё людзей - прасцейшым і больш зручным, адзначыла Юлія Шапкіна. "Свет імкліва пераходзіць у лічбавае асяроддзе, і мы ідзём у гэтым напрамку ўзважана: без гонкі за модай, але з разуменнем, якія тэхналогіі сапраўды даюць карысць", - звярнула ўвагу яна.
Падпраграма "Эканоміка даных" - фундамент усёй лічбавай трансфармацыі. "Сёння даныя сталі стратэгічным рэсурсам, супастаўным па значнасці з энергіяй або інфраструктурай. Але пакуль дзяржаўныя органы часта працуюць кожны ў сваім "лічбавым востраве": даныя дубліруюцца, сістэмы недастаткова ўзаемадзейнічаюць паміж сабой, з-за гэтага расце нагрузка на карыстальнікаў, якім даводзіцца шматразова прадастаўляць адны і тыя ж звесткі. Наша задача - стварыць адзіную прастору дзяржаўных даных, дзе інфармацыйныя сістэмы будуць разумець адна адну, а прынцып
"аднаразовы ўвод інфармацыі - шматразовае выкарыстанне" стане нормай. Такім чынам мы забяспечваем не проста аблічбоўку ўсіх даных, а выключаем праяўленне лічбавай бюракратыі", - растлумачыла намеснік міністра.
Адначасова будзе развівацца тэлекамунікацыйная інфраструктура. Да 2030 года сярэдняя скорасць мабільнага інтэрнэту ў Мінску павінна дасягнуць 135 Мбіт/с, у раённых цэнтрах - 110 Мбіт/с, а тры чвэрці абанентаў стацыянарнага інтэрнэту будуць карыстацца скорасцю 100 Мбіт/с і вышэйшай. Такая база неабходна для запуску сучасных лічбавых сэрвісаў і шырокага прымянення тэхналогій штучнага інтэлекту, падкрэсліла Юлія Шапкіна.
Паводле яе слоў, калі "Эканоміка даных" - гэта фундамент лічбавага развіцця, то падпраграма "Лічбавая дзяржава" - тое, што будзе прадастаўлена людзям. "Размова ідзе аб пераходзе ад аказання разрозненых электронных паслуг да комплекснага вырашэння іх пытанняў у рамках жыццёвых сітуацый, у тым ліку па факце іх надыходу (іншымі словамі, актыўна"), - растлумачыла намеснік міністра.
І, нарэшце, падпраграма "Лічбавы суверэнітэт" - гэта тэхналагічная абарона. "Апошнія гады наглядна паказалі, наколькі важна абапірацца на ўласныя рашэнні. Таму мы фарміруем імпартанезалежную экасістэму праграмнага забеспячэння. Лічбавы суверэнітэт сёння - гэта не абстрактнае паняцце, а практычная неабходнасць. Ён азначае здольнасць дзяржавы незалежна і ўстойліва развіваць лічбавую інфраструктуру, не трапляючы ў крытычную залежнасць ад знешніх пастаўшчыкоў", - рэзюмавала яна.-0-
Мэта праграмы "Лічбавая Беларусь" - не ўсё перавесці ў лічбавы фармат дзеля лічбы, а зрабіць эканоміку больш эфектыўнай, а жыццё людзей - прасцейшым і больш зручным, адзначыла Юлія Шапкіна. "Свет імкліва пераходзіць у лічбавае асяроддзе, і мы ідзём у гэтым напрамку ўзважана: без гонкі за модай, але з разуменнем, якія тэхналогіі сапраўды даюць карысць", - звярнула ўвагу яна.
Падпраграма "Эканоміка даных" - фундамент усёй лічбавай трансфармацыі. "Сёння даныя сталі стратэгічным рэсурсам, супастаўным па значнасці з энергіяй або інфраструктурай. Але пакуль дзяржаўныя органы часта працуюць кожны ў сваім "лічбавым востраве": даныя дубліруюцца, сістэмы недастаткова ўзаемадзейнічаюць паміж сабой, з-за гэтага расце нагрузка на карыстальнікаў, якім даводзіцца шматразова прадастаўляць адны і тыя ж звесткі. Наша задача - стварыць адзіную прастору дзяржаўных даных, дзе інфармацыйныя сістэмы будуць разумець адна адну, а прынцып
"аднаразовы ўвод інфармацыі - шматразовае выкарыстанне" стане нормай. Такім чынам мы забяспечваем не проста аблічбоўку ўсіх даных, а выключаем праяўленне лічбавай бюракратыі", - растлумачыла намеснік міністра.
Адначасова будзе развівацца тэлекамунікацыйная інфраструктура. Да 2030 года сярэдняя скорасць мабільнага інтэрнэту ў Мінску павінна дасягнуць 135 Мбіт/с, у раённых цэнтрах - 110 Мбіт/с, а тры чвэрці абанентаў стацыянарнага інтэрнэту будуць карыстацца скорасцю 100 Мбіт/с і вышэйшай. Такая база неабходна для запуску сучасных лічбавых сэрвісаў і шырокага прымянення тэхналогій штучнага інтэлекту, падкрэсліла Юлія Шапкіна.
Паводле яе слоў, калі "Эканоміка даных" - гэта фундамент лічбавага развіцця, то падпраграма "Лічбавая дзяржава" - тое, што будзе прадастаўлена людзям. "Размова ідзе аб пераходзе ад аказання разрозненых электронных паслуг да комплекснага вырашэння іх пытанняў у рамках жыццёвых сітуацый, у тым ліку па факце іх надыходу (іншымі словамі, актыўна"), - растлумачыла намеснік міністра.
І, нарэшце, падпраграма "Лічбавы суверэнітэт" - гэта тэхналагічная абарона. "Апошнія гады наглядна паказалі, наколькі важна абапірацца на ўласныя рашэнні. Таму мы фарміруем імпартанезалежную экасістэму праграмнага забеспячэння. Лічбавы суверэнітэт сёння - гэта не абстрактнае паняцце, а практычная неабходнасць. Ён азначае здольнасць дзяржавы незалежна і ўстойліва развіваць лічбавую інфраструктуру, не трапляючы ў крытычную залежнасць ад знешніх пастаўшчыкоў", - рэзюмавала яна.-0-
Падпісвайцеся на нас у
