Бюджэт пражытачнага мінімуму (БПМ) з 1 мая па 31 ліпеня 2020 года ў сярэднім на душу насельніцтва ў разліку на месяц складзе Br246,78.
БПМ будзе на 2,9% вышэйшы, чым дзеючы з 1 лютага 2020 года (Br239,87).
Памеры БПМ для асноўных сацыяльна-дэмаграфічных груп:
- працаздольнага насельніцтва - Br275,48;
- пенсіянераў - Br187,22;
- студэнтаў - Br237,3;
- дзяцей ва ўзросце да 3 гадоў - Br158,94;
- дзяцей ва ўзросце ад 3 да 6 гадоў - Br217,84;
- дзяцей ва ўзросце ад 6 да 18 гадоў - Br265,2.
У сувязі з павышэннем БПМ з мая павялічацца:
- мінімальныя працоўныя і сацыяльныя пенсіі;
- надбаўкі, павышэнні да пенсій і даплаты людзям ва ўзросце 75 гадоў і старэйшым;
- дапамогі па доглядзе інваліда I групы або чалавека, які дасягну 80-гадовага ўзросту;
- некаторыя віды дзяржаўных дапамог сем'ям, якія выхоўваюць дзяцей;
- іншыя сацыяльныя выплаты, якія вылічаюцца з памеру БПМ.
Крыніца: пастанова Міністэрства працы і сацыяльнай абароны ад 23 красавіка 2020 года №38.