Дзяніс Краўчанка. Фота belrus.ru
23 мая, Мінск /Кар. БЕЛТА/. Кааперацыя ў Саюзнай дзяржаве актыўна набірае абароты, заявіў журналістам намеснік старшыні Камісіі Парламенцкага сходу Саюза Беларусі і Расіі па эканамічнай палітыцы, член Камісіі Парламенцкага сходу па прамысловасці і гандлі Дзяніс Краўчанка, перадае карэспандэнт БЕЛТА.
Сумеснае пасяджэнне камісій Парламенцкага сходу па бюджэце, падатках і фінансавым рынку, па прамысловасці і гандлі, па эканамічнай палітыцы і па транспарце праходзіць у Мінску. У парадку дня сярод іншага - разгляд пытанняў фарміравання адзінай навукова-тэхналагічнай прасторы Саюзнай дзяржавы, падрыхтоўкі актуалізаванага прыкладнага пераліку прыярытэтных навукова-тэхналагічных і інавацыйных праграм і праектаў Саюзнай дзяржавы, арганізацыі ўліку і кіравання ўласнасцю Саюзнай дзяржавы.
"У ліку прыярытэтных пытанняў - улік і распараджэнне маёмасцю, створанай у рамках Саюзнай дзяржавы. Гэта вельмі важна. Мы правялі вялікі семінар у Мінску і разлічваем да канца года выйсці на рашэнне. Гучалі ў тым ліку прапановы наконт стварэння, магчыма, асобнага органа, які кіраваў бы гэтай маёмасцю, таму што яе колькасць павялічваецца з кожным годам. І наогул маёмаснае пытанне вельмі важнае з пункту гледжання фарміравання Адзінай эканамічнай прасторы Саюзнай дзяржавы, - адзначыў Дзяніс Краўчанка. - Кааперацыя актыўна набірае абароты паміж нашымі краінамі як у рамках праграм Саюзнай дзяржавы, так і ў рамках міждзяржаўнага супрацоўніцтва. Значна нашы кампаніі і прадпрыемствы рушылі наперад у галіне стварэння сумесных праектаў у галіне авіябудавання. Тут цесная кааперацыя, вялізны аб'ём заказаў - каля 1 млрд расійскіх рублёў у рамках кааперацыі ў галіне авіябудавання".
Паводле яго слоў, актыўна развіваюцца касмічныя праграмы ў СД. "Мы вітаем палёт у космас беларускай жанчыны-касманаўта, - адзначыў намеснік старшыні камісіі. - Акрамя таго, мы развіваем нашы праграмы ў галіне спадарожнікабудавання, стварэння сумесных груповак, у галіне мікраэлектронікі і іншых напрамкаў. Вельмі важная тэма - супрацоўніцтва ў галіне выкарыстання мірнага атама, гэта значыць энергетычныя праекты. Вы ведаеце, яны паспяхова рэалізуюцца. Усё гэта ўмацоўвае як каркас узаемадзеяння нашых краін, так і саму Саюзную дзяржаву. Праграмы нацэлены на дасягненне тэхналагічнага суверэнітэту нашых дзяржаў".-0-
Сумеснае пасяджэнне камісій Парламенцкага сходу па бюджэце, падатках і фінансавым рынку, па прамысловасці і гандлі, па эканамічнай палітыцы і па транспарце праходзіць у Мінску. У парадку дня сярод іншага - разгляд пытанняў фарміравання адзінай навукова-тэхналагічнай прасторы Саюзнай дзяржавы, падрыхтоўкі актуалізаванага прыкладнага пераліку прыярытэтных навукова-тэхналагічных і інавацыйных праграм і праектаў Саюзнай дзяржавы, арганізацыі ўліку і кіравання ўласнасцю Саюзнай дзяржавы.
"У ліку прыярытэтных пытанняў - улік і распараджэнне маёмасцю, створанай у рамках Саюзнай дзяржавы. Гэта вельмі важна. Мы правялі вялікі семінар у Мінску і разлічваем да канца года выйсці на рашэнне. Гучалі ў тым ліку прапановы наконт стварэння, магчыма, асобнага органа, які кіраваў бы гэтай маёмасцю, таму што яе колькасць павялічваецца з кожным годам. І наогул маёмаснае пытанне вельмі важнае з пункту гледжання фарміравання Адзінай эканамічнай прасторы Саюзнай дзяржавы, - адзначыў Дзяніс Краўчанка. - Кааперацыя актыўна набірае абароты паміж нашымі краінамі як у рамках праграм Саюзнай дзяржавы, так і ў рамках міждзяржаўнага супрацоўніцтва. Значна нашы кампаніі і прадпрыемствы рушылі наперад у галіне стварэння сумесных праектаў у галіне авіябудавання. Тут цесная кааперацыя, вялізны аб'ём заказаў - каля 1 млрд расійскіх рублёў у рамках кааперацыі ў галіне авіябудавання".
Паводле яго слоў, актыўна развіваюцца касмічныя праграмы ў СД. "Мы вітаем палёт у космас беларускай жанчыны-касманаўта, - адзначыў намеснік старшыні камісіі. - Акрамя таго, мы развіваем нашы праграмы ў галіне спадарожнікабудавання, стварэння сумесных груповак, у галіне мікраэлектронікі і іншых напрамкаў. Вельмі важная тэма - супрацоўніцтва ў галіне выкарыстання мірнага атама, гэта значыць энергетычныя праекты. Вы ведаеце, яны паспяхова рэалізуюцца. Усё гэта ўмацоўвае як каркас узаемадзеяння нашых краін, так і саму Саюзную дзяржаву. Праграмы нацэлены на дасягненне тэхналагічнага суверэнітэту нашых дзяржаў".-0-
